Скачать или смотреть കാന്തപുരം വിരോധികളെ,പിന്നെ എന്താണ് ഉസ്താദ് പറയേണ്ടിയിരുന്നത്..? kanthapuram Usthad | Narendra Modi

പി എസ് റംശാദ് എഴുതുന്നു

സുരക്ഷിതർ എന്നതിൻ്റെ അർത്ഥമെന്താണ്? അതൊന്നു ചിന്തിച്ചു തീരുമാനമാക്കിയിട്ടു പോരേ കാന്തപുരം എ പി അബൂബക്കർ മുസ്‌ലിയാരെ ഒറ്റുകാരനാക്കുന്നത്

ഒന്നാമതായി മനസ്സിലാക്കേണ്ട കാര്യം, പ്രധാനമന്ത്രിയെയാണ് കാന്തപുരം കണ്ടത് എന്നതാണ്; പരസ്യമായി, രാജ്യസുരക്ഷാ ഉപദേഷ്ടാവ് അജിത് ഡോവലിൻ്റെ ഉൾപ്പെടെ സാന്നിധ്യത്തിൽ.
അല്ലാതെ ആർ എസ് എസ് നേതാക്കളുമായി ജമാഅത്തെ ഇസ്‌ലാമിക്കാർ നടത്തിയതുപോലെ ഒളിച്ചും പതുങ്ങിയും ചെന്ന് ചർച്ച നടത്തുകയായിരുന്നില്ല

ഇന്ത്യയുടെ ഭരണഘടന നൽകുന്ന സുരക്ഷിതത്വത്തെക്കുറിച്ചും തുല്യതയേക്കുറിച്ചുമാണ് കാന്തപുരം അഭിമുഖത്തിൽ പറഞ്ഞത്. ഇവിടെ എല്ലാ പൗരരും തുല്യരാണ്.ബംഗ്ലാദേശിലും പാക്കിസ്ഥാനിലുമൊന്നും അങ്ങനെയല്ല. അവിടെ ന്യൂനപക്ഷങ്ങൾ തുല്യപരിഗണനയുള്ള പൗരരല്ല. അതു കൊണ്ടുതന്നെ അവർക്ക് എപ്പോഴും അരക്ഷിത ബോധവുമുണ്ട്. 'അതുകൊണ്ട് അവിടുത്തെ കാര്യം എനിക്കറിയില്ല. പക്ഷേ, എൻ്റെ രാജ്യത്ത് മുസ്‌ലിങ്ങൾ ഉൾപ്പെടെ ന്യൂനപക്ഷങ്ങൾ സുരക്ഷിതരാണ് '

ഇതാണ് അദ്ദേഹം പറഞ്ഞതിൻ്റെ കാതൽ. ഫാസിസത്തെയോ സംഘപരിവാറിൻ്റെ വിഭജന രാഷ്ട്രീയത്തെയോ ന്യൂനപക്ഷങ്ങൾക്കെതിരായ അക്രമങ്ങളെയോ കാന്തപുരം ന്യായീകരിച്ചിട്ടില്ല

ഭരണഘടന നൽകുന്ന സുരക്ഷിതത്വം എന്ന ഉറപ്പിനെക്കുറിച്ച് പറയുന്നത് എങ്ങനെ ഒറ്റുകൊടുക്കലാകും ?

അതേ ഉറപ്പിൽ പ്രതീക്ഷ വച്ചല്ലേ ഇവിടെ എല്ലാ മതേതര പാർട്ടികളും പ്രവർത്തിക്കുന്നത്? ആ പ്രതീക്ഷ നഷ്ടമായാൽപ്പിന്നെ നമ്മൾ എങ്ങനെ ഫാസിസത്തിനും വർഗീയതയ്ക്കും എതിരേ ജനാധിപത്യത്തിനും മതനിരപേക്ഷതയ്ക്കും വേണ്ടി പൊരുതും?

നരേന്ദ്ര മോദിയെയും സംഘപരിവാറിനെയും കാന്തപുരം സ്തുതിച്ച മട്ടിലാണ് നുണകൾ പ്രചരിക്കുന്നത്

സത്യം എന്താണെന്ന് കണ്ണും കാതും തുറന്ന് അറിഞ്ഞിട്ടുമാത്രം, കടന്നാക്രമണമാണോ കൈ കൊടുക്കലാണോ വേണ്ടത് എന്ന് തീരുമാനിച്ചാൽപ്പോരേ? Copy