Скачать или смотреть कोण या जगाचा | Kon Ya Jagacha | प.प. श्रीमद् वासुदेवानंदसरस्वती स्वामी महाराज विरचित

#vasudevsangeetsabha #dattaguru #dattatreya #dattagurumaharaj

वासुदेव दत्त!

प.प. श्रीमद् वासुदेवानंद सरस्वती स्वामी महाराज यांची भगवान श्रीदत्तात्रेयांचरणी अतीव आर्त अशी ही रचना.

हे पद - गुरुपदांशी साधलेली अनन्य अशी हितगुज - आप्त, स्वकीय, बंधु, सखा अश्या सर्वच भुमिकेतून गुरुदेवांना पाहणाऱ्या व सर्वकाही गुरुदेवच आहेत हे जाणणाऱ्या व त्या जाणिवेतून प्रत्यक्ष अनुसंधनाच्या निमित्ताने गुरुस्वरूप होऊ पाहणाऱ्या साधकाची मनोदशा.

भवसागराच्या कचाट्यात सापडून, माया, कल्पना, वासना या साऱ्यांनी ज्याचे अंग पोळून उठले असा - पदोपदी केवळ अधोगतीच दिसत असल्यामुळे भयाने वेढून गेलेला साधक - अज्ञानाचे हे पाश ज्यांच्या मात्र कृपाकटाक्षाने गळून पडतील अश्या गुरुदेवांचा अगतिक होऊन धावा करतो - स्मर्तृगामी असे लौकिक असणाऱ्या गुरुदेवांची अविलंब कृपा व्हावी अशी कामना करतो व अतीव आर्त अंतःकरणाने गुरुपदांना आळवतो व तरीही गुरुकृपेचे आश्वासन त्याला प्राप्त होत नाही - त्यावेळी त्या साधकाची अंतः करण हेलावून टाकणारी स्थिती पाहून अतीव कारुण्याने प.प. श्रीमद् वासुदेवानंद सरस्वती स्वामी महाराज यांनी अखंड चराचर व्यापून उरलेल्या अक्षर गुरुतत्त्वाच्या सगुण - प्रकट रुप असलेल्या भगवान श्रीदत्तात्रेयांना घातलेली साद व त्यानिमित्ताने घडून आलेला हा अद्वितीय असा संवाद.

ज्याच्या केवळ संकल्पाने ही समग्र सृष्टी उत्पन्न झाली, अनादिकाळापासून भूत - वर्तमान - भविष्य या तीनही काळात जो या सृष्टीचा पुत्रवत् वात्सल्याने सांभाळ करता झाला - अनन्य भावाने शरण येणाऱ्या लोकांना सद्वांच्छित फळ प्रदान करता झाला व सकळ ऐश्वर्य ज्याच्या पायी लोळते अश्या तुझ्यासारखा - तुझ्याशिवाय तीनही लोकांनी वंदिलेला आश्रयदाता नाही. सारे विश्व भयाने वेढले असता आईप्रमाणे त्याला स्वतःच्या कुशीत घेऊन अभयप्रदान करणारा तु आज या वासुदेवाचा अंत का पाहतोस? अश्या केविलवाण्या स्वरात प.प. श्रीमद् स्वामींनी दत्तप्रभूंना विचारलेला हा प्रश्न.
या पदाच्या निमित्ताने 'गुरुकृपेची गंगा' या 'दत्तभगिरथाने' तुमच्या माझ्या जीवनात उतरवली - तिच्या स्नानाने - पानाने - या पदाच्या श्रवण मनन व अनुसंधानाने गुरुपदी स्थिर होऊया.
वासुदेवदत्तपदे दृढ धरुया!!
वासुदेव संगीत सभा, वेद वासुदेव प्रतिष्ठान, पुणे