Zahid Dadaşov - Sevgilim (Yeni), söz- Süleyman Rüstəm, mus- Cahangir Cahangirov

Sevgilim Azərbaycan musiqi xəzinəsinin ən nadir incilərindəndir. Dahi bəstəkarımız Cahangir Cahangirov və dahi şairimiz Süleyman Rüstəm bu əsərdə öz sevgisini təsvir etmişdir. Bu əsərdə sözlə musiqi sanki bir-biri üçün yazılıb. Bu mahnını yazdırmaq üçün Zeynəb xanımın, İslam müəllimin və Baloğlan müəllimin ifalarını dönə-dönə dinlədim. Hamısı bir-birindən fərqli və gözəl olan bu ifalarda hər biri öz sözünü yüksək səviyyədə demişdir. Bu mahnını RE kökündən yazdırmışdım, indi isə iki ton zildən FA kökündən yazdırmışam. Baxşəli müəllimin rəhbərliyi ilə Dilkeş İnstrumental Ansamblının müşayiəti ilə. Baxşəli müəllim bu mahnıya çox məsuliyyət ilə yanaşmağı tələb etdi və böyük sənətkarlıqla müşayiət elədilər. Ona görə onların hər birinə dərin təşəkkürümü bildirirəm. Düzdür toy bazarında belə mahnıları dinləmirlər amma həqiqi musiqi sevən dinləyicilər üçün çox qiymətli bir əsərdir.