Скачать или смотреть Stop Misusing Cough Syrups

Stop Misusing Cough Syrups
یاد رکھیں کہ ہر کھانسی کے لیے کھانسی کے سیرپ (Cough Syrup) کی ضرورت نہیں ہوتی۔ بہت سے لوگ کھانسی ہونے پر ڈاکٹر کے پاس جانے کی بجائے خود ہی میڈیکل سٹور سے کوئی بھی کف سیرپ لے کر استعمال شروع کر دیتے ہیں، یا میڈیکل سٹور والے سے کہتے ہیں کہ “اچھا سا کھانسی کا سیرپ دے دیں”، اور بغیر سمجھے (کہ کھانسی کس قسم کی ہے)، اندھا دھند استعمال کرتے ہیں۔ جس سے کھانسی تو ٹھیک نہیں ہوتی بلکہ مسئلہ بڑھ جاتا ہے۔ اور پھر وہی مسئلہ لے کے لوگ ڈاکٹر کے پاس جاتے ہیں اور کہتے ہیں کہ "ڈاکٹر ضلصاحب! میں یہ والے 4 سیرپ کی شیشیاں ختم کر چکا ہوں لیکن کھانسی کو کوئی فرق نہیں ہے".
طبی طور پر کھانسی دو طرح کی ہوتی ہے: Dry cough (خشک کھانسی) اور Productive cough (بلغمی کھانسی)، اور دونوں کا علاج مختلف ہوتا ہے۔
خشک کھانسی میں بلغم نہیں آتا، صرف خارش اور بار بار کھانسی ہوتی ہے، یہ عموما" وائرل یا بیکٹیریل انفیکشن کے بعد کئی ہفتوں تک رہتی ہے اور پوسٹ وائرلکف سنڈروم کہتے ہیں یا پوسٹ انفیکشیس کف (Post infectious cough) کہتے ہیں۔ اس میں عموماً antitussive ادویات استعمال کی جاتی ہیں جو کھانسی کو دباتی ہیں، جیسے Dextromethorphan، Pholcodine، Codeine (محدود حالات میں)، بعض سیرپس میں antihistamine بھی شامل ہوتا ہے تاکہ خارش کم ہو۔
جبکہ بلغمی کھانسی میں سینے میں بلغم جمع ہوتا ہے، سب سے پہلے تو بلغمی کھانسی کی وجہ معلوم کی جانی چاہیے اور پھر بیماری کے مطابق علاج ہونا چاہیے۔ جب بیماری کا علاج ہوگا تو کھانسی خودبخود ختم ہو جائے گی۔ اگر ضرورت پڑے تو بلغمی کھانسی کے لیے کھانسی دبانے والی نہیں بلکہ expectorants اور mucolytics دیے جاتے ہیں تاکہ بلغم پتلا ہو کر باہر نکل سکے، جیسے Bromhexine، Ambroxol، Guaifenesin، Ivy leaf extract وغیرہ۔
اگر غلطی سے dry cough والا سیرپ بلغمی کھانسی میں استعمال کر لیا جائے تو نقصان یہ ہوتا ہے کہ کھانسی دب جاتی ہے مگر بلغم اندر ہی جمع رہتا ہے، جس سے سینے میں جکڑن، سانس کا مسئلہ، اور اصل بیماری کے بڑھنے کا خطرہ ہوتا ہے۔ اس کے برعکس اگر بلغمی کھانسی والا سیرپ خشک کھانسی میں استعمال ہو جائے تو نقصان تو شدید نہیں ہوتا، مگر غیر ضروری بلغم بننے لگتا ہے، کھانسی لمبی ہو سکتی ہے اور مریض کو آرام نہیں ملتا۔
اس لیے ضروری ہے کہ کھانسی کی نوعیت پہچان کر ہی سیرپ استعمال کیا جائے اور بہتر یہی ہے کہ خود سے دوا لینے کے بجائے ڈاکٹر سے مشورہ کیا جائے، تاکہ مسئلہ بڑھنے کے بجائے صحیح وقت پر درست علاج ہو سکے۔