Скачать или смотреть JAK ROBERTO, PROUD BOYFRIEND NGA BA TALAGA SA

Barbie Forteza inamin na dumating ang panahon na kinailangang isantabi niya ang relasyon nila ni Jak Roberto para sa on-screen pairing niya kay David Licauco.

Sa “Fast Talk with Boy Abunda” noong Biyernes, sinabi ng Kapuso Primetime Princess na naging hamon ito sa kanilang relasyon, naapektuhan ang quality time nila. Sa totoo lang, nakaramdam pa nga siya ng kaunting guilt.

Pero sobrang supportive si Jak, proud pa nga siya sa success ng #BarDa love team. Siya pa nga ang nag-i-initiate ng pag-celebrate kapag may endorsements o shows ang #BarDa.

“Very secure siya sa sarili niya na he lets his woman shine kahit not with him,” sabi niya.

Sa kasagsagan ng success ng #BarDa, nakilala rin si Jak Roberto sa kanyang "anti-silos" class meme.

Nang tanungin kung magkaibigan ba sina David at Jak, sagot ni Barbie, “Sabi nila. Hindi naman sila nag-uusap. Pero I guess they’re good.”

Sumikat ang love team nina Barbie at David matapos nilang gumanap bilang Fidel at Klay sa historical portal fantasy series na "Maria Clara at Ibarra," na ngayon ay streaming na sa Netflix.

Ngayon, bida sila sa "Pulang Araw" kasama sina Sanya Lopez, Alden Richards, at Dennis Trillo.

Bukod sa serye, ipapalabas na sa Philippine cinemas sa July 10 ang unang pelikula ng BarDa, “That Kind of Love.”

Kasali rin ang pelikula sa Jinseo Arigato International Film Festival.

Sa show, inamin ni Barbie na hindi agad sila nag-click ni David, dahil bukod sa laging late ang aktor, magkaiba rin sila ng work ethics at work routines.