Скачать или смотреть SIRI YA WANAFUNZI KUJUA KUSOMA,KUANDIKA NA KUHESABU KWA MIEZI MITATU

MTAZAME Mwalimu Asumpta Banda anayefundisha Darasa la kwanza katika shule ya msingi Tembo mashujaa Mnaispaa ya Songea mkoani Ruvuma ambaye ana uwezo wa kufundisha Kusoma,Kuandika na Kuhesabu(KKK)ndani ya siku 90 wanafunzi wote wanajua KKK.
Katika darasa la kwanza la mwaka huu lenye wanafunzi 146,wanafunzi wote wanajua KKK vizuri.Afisa Elimu Msingi katika Halmashauri ya Manispaa ya Songea Consesa Mbena amesema shule zote za msingi katika Manispaa hiyo kwa madarasa ya kwanza hadi la tatu yana madarasa yanayoongea.

Hata hivyo amesema shule zinaoongoza kwa kuwa na madarasa bora yanayoongea ni shule ya msingi Tembomashujaa,Kambarage na Mashujaa.

“Mwalimu Asumpta Banda katika shule ya msingi Tembo Mashujaa,amekuwa anafanya vizuri katika darasa linaloongea, walimu wengine katika Manispaa yetu wamekuwa wanakwenda kujifunza kwake,mwalimu huyu anastaafu Novemba mwaka huu’’,anasema Mbena.

Serikali ya Tanzania kupitia Wizara ya Elimu,Sayansi na Teknolojia imedhamiria kuleta Mapinduzi ya Kielimu ambapo kila shule ya msingi nchini inatekeleza mtaala mpya wa kuwa na darasa la KKK ambalo linaongea.

Darasa linaloongea limeandaliwa kwa kuwekwa zana za kufundishia na kujifunzia ambazo zina Uwezo wa kumshawishi Mtoto kutaka kujifunza Zaidi bila hata ya uwepo wa mwalimu darasani.Faida kubwa ya Darasa linaloongea ni kupunguza idadi kubwa ya utoro shuleni,mwanafunzi kuwa mdadisi,mwanafunzi kuwa mbunifu,kuleta ari ya kujifunza kwa mwanafunzi na kupunguza kelele darasani.

Iwapo kila shule ya msingi nchini itakuwa na darasa linaloongea lenye zana za kutosha,zinazoonekana na kusomeka Vizuri, idadi kubwa ya wanafunzi wasiojua kusoma, kuandika na kuhesabu nchini itapungua na kumalizika.

Imeandaliwa na Albano Midelo

Afisa Habari Manispaa ya Songea