LIVE 2016 წინანდალი - სამზეოს შევრჩეთ მარად - ჰერულა & ნაყეურები

2016.05.17 / სამზეოს შევრჩეთ მარად _ წინანდალი

ჰერეთის ფოლკლორული ანსამბლის „ჰერულა“ და დები ნაყეურების ერთობლივი ტურნეს „სამზეოს შევრჩეთ მარად“ ფარგლებში 17 და 18 მაისს გაიმართა მორიგი კონცერტები, შესაბამისად წინანდალსა და ახმეტაში.
ვიზიტის ფარგლებში ანსამბლის „ჰერულა“ წევრები და დები ნაყეურები ქართული ფოლკლორის პოპულარიზაციის მიზნით შეხვდნენ წინანდლისა და ახმეტის სკოლების მოსწავლეებს და დაუსვეს კითხვები ქართული ფოლკლორიდან. გამარჯვებულებს გადაეცათ კონცერტის მოსაწვევები.
შემდგომ გადაინაცვლეს კულტურის სახლებში, გაეცნენ და გაიარეს რეპეტიცია.
საღამოს კი გაიმართა კონცერტები, რომელზეც ანსამბლი „ჰერულა“ ქართული ტრადიციული ხალხური სიმღერებით, ხოლო დები ნაყეურები საავტორო მთის სიმღერებით წარსდგნენ ადგილობრივი მაყურებლის წინაშე. აგრეთვე სიურპრიზად შესრულდა ერთობლივი ნომრები, ქართული ხალხური სიმღერა-გალობის ნიმუშები.
მიმდინარე ტურნეს ტრადიციისამებრ ამჯერადაც გამოვლენილ იქნა ნიჭიერი ახალგაზრდები, ანი მერაბიშვილი (ახმეტა), ნინი იოსებაშვილი (წინანდალი), რომელთაც კომპანიამ „ქართული ტრადიციული მეღვინეობა“, ხმის ჩამწერმა სტუდიამ „არაგვიანი“, მარიამ ხუცურაულის კომპანიამ „სანათას სახლი“ და კახური ტრადიციული მეღვინეობის აქცია „კა-ტე-ვე“ ჯგუფმა „ნენა“ გადასცეს საჩუქრები.
________
ვასილ პაპიაშვილი