Скачать или смотреть Jizzaxda ehtiyojmand xotin-qizlarni uy-joy bilan ta’minlash masalalari muhokama qilindi

Jizzax viloyatida xotin-qizlarni ijtimoiy qo‘llab-quvvatlash, ularning bandligini ta’minlash hamda uy-joy bilan ta’minlash masalalariga alohida e’tibor qaratilmoqda.

Xususan, O‘zbekiston Xalq demokratik partiyasi Jizzax viloyati Kengashi tomonidan xotin-qizlar bandligini ta’minlash, ularning daromad manbalarini kengaytirish va uy-joy sharoitlarini yaxshilashga qaratilgan qator loyiha va takliflar ishlab chiqilmoqda.

Mazkur yo‘nalishdagi ishlarni muhokama qilish maqsadida jamoatchilik kengashi eshituvi tashkil etildi. Unda mutasaddi tashkilotlar, soha mutaxassislari hamda jamoatchilik vakillari ishtirok etib, mavjud muammolar va ularning yechimlari yuzasidan atroflicha fikr almashildi.

Eshituv davomida ehtiyojmand xotin-qizlarni arzon va qulay uy-joylar bilan ta’minlash, ularni kasb-hunarga o‘qitish, tadbirkorlik faoliyatini qo‘llab-quvvatlash orqali barqaror daromad manbalarini yaratish masalalariga alohida urg‘u berildi.

Shuningdek, ushbu yo‘nalishda davlat va jamoatchilik hamkorligini kuchaytirish, manzilli ishlash tizimini takomillashtirish hamda xotin-qizlarning ijtimoiy faolligini oshirish bo‘yicha aniq takliflar ilgari surildi.

📹 Batafsil videolavhada tomosha qiling.