Скачать или смотреть ကျားဖြန့် ပူးပေါင်းတိုက်ဖျက်ဖို့ မဲခေါင်-လန်ချန်း ၆ နိုင်ငံ သဘောတူ | People's Spring

ကျားဖြန့် ပူးပေါင်းတိုက်ဖျက်ဖို့ မဲခေါင်-လန်ချန်း ၆ နိုင်ငံ သဘောတူ

မြန်မာ အပါအဝင် မဲခေါင်-လန်ချန်း ပူးပေါင်းဆောင်ရွက်မှု အဖွဲ့ (MLC) ၆ နိုင်ငံဟာ နယ်စပ်ဖြတ်ကျော် ငွေကြေး လိမ်လည်မှု (ကျားဖြန့်) ဂိုဏ်းတွေကို စုပေါင်းတိုက်ဖျက်ဖို့ သဘောတူညီခဲ့ပါတယ်။

MLC ဆိုတာက မဲခေါင်မြစ် ဖြတ်သန်းစီးဆင်းရာ မြစ်ဝှမ်းနဲ့ ဆက်စပ်တဲ့ နိုင်ငံတွေကို ဆိုလိုပြီး တရုတ်၊ ကမ္ဘောဒီးယား၊ လာအို၊ မြန်မာ၊ ထိုင်းနဲ့ ဗီယက်နမ်တို့ ပါဝင်ပါတယ်။ MLCဟာ တရုတ်နဲ့ အရှေ့တောင်အာရှ နိုင်ငံတွေကြား ပူးပေါင်းဆောင်ရွက်မှုဆိုင်ရာ သက်တမ်း အနုနယ်ဆုံး အစုအဖွဲ့တစ်ခုဖြစ်ပြီး ၂၀၁၆ မှာ စတင် အသက်ဝင် လည်ပတ်ခဲ့ပါတယ်။

နိုဝင်ဘာ ၁၄ ရက်နေ့တုန်းကတော့ တရုတ်နိုင်ငံရဲ့ ကူမင်းမြို့မှာ အဖွဲ့ဝင် နိုင်ငံတွေကြား ဝန်ကြီးအဆင့် အစည်းအဝေး တစ်ရပ်ကို ကျင်းပခဲ့ပြီး ကျားဖြန့် စုပေါင်းတိုက်ဖျက်ရေး သဘောတူညီမှု တစ်ခုကို ရယူနိုင်ခဲ့တာ ဖြစ်ပါတယ်။

ထိုင်းရဲတပ်ဖွဲ့ ဒုတိယ အကြီးအကဲဖြစ်တဲ့ ဒုရဲဗိုလ်ချုပ်ကြီး ဂျီရယ်ဟော့ ဘူရီဒက်ဂျ်က ကျားဖြန့်ဂိုဏ်းတွေဟာ နယ်စပ်ဖြတ်ကျော် ရာဇဝတ်မှုတွေရဲ့ ဂေဟစနစ်ထဲ ခိုင်ခိုင်မာမာ စိမ့်ဝင်လာနေပြီး MLC ၆ နိုင်ငံလုံးရဲ့ ပြည်သူတွေကို ထိခိုက်နစ်နာမှုတွေ ကြုံတွေ့နေစေကြောင်း ပြောကြားခဲ့ပါတယ်။ သူက ထိုင်းဟာ ကျားဖြန့် တိုက်ဖျက်ရေးမှာ အဖွဲ့ဝင် နိုင်ငံတွေနဲ့ အပြန်အလှန် ပွင့်လင်းမြင်သာမှုအပြည့် ပူးပေါင်း ဆောင်ရွက်မယ်လို့လည်း ကတိပြုခဲ့ပါတယ်။

နောက်ပြီး ထိုင်းရဲ့ အွန်လိုင်း ငွေလိမ်မှု တိုက်ဖျက်ရေးစင်တာ (ACSC)က ကျားဖြန့်တွေနဲ့ ပတ်သက်လို့ ရရှိထားတဲ့ အချက်အလက်၊ အထောက်အထားတွေကိုလည်း ကူမင်း အစည်းအဝေးမှာ တင်ပြခဲ့ပါတယ်။

ရာဇဝတ်မှုတွေမှာ နယ်ခြားကန့်သတ်ချက် မရှိကြောင်း၊ ဒါကြောင့် အဲဒီ မကောင်းမှုတွေကို တိုက်ဖျက်ရာမှာလည်း နယ်စည်းခြားနေတာတွေ မရှိသင့်ကြောင်း ဂျီရယ်ဟော့က မှတ်ချက်ပေးသွားခဲ့ပါတယ်။

MLC ၆ နိုင်ငံ အစည်းအဝေးမှာတော့ လုပ်ငန်းစဉ် အချက်အလက် ၂၁ ခုအတွက် စုပေါင်း သဘောတူ ဆုံးဖြတ်ခဲ့ကြပါတယ်။ အဲဒီထဲမှာတော့ လိုအပ်ရင် နိုင်ငံအချင်းချင်း ပူးပေါင်းပြီး စီးနင်း ရှာတွေတာတွေ လုပ်ဆောင်ရေး၊ ပြစ်မှုဆိုင်ရာ အထောက်အထား အချက်အလက်တွေ မျှဝေရေး၊ နယ်စပ်ဖြတ်ကျော် ထောက်လှမ်းရေး လမ်းကြောင်းတွေ ထူထောင်ရေး၊ အန်ဂျီအို အဖွဲ့အစည်းတွေနဲ့ ပူးပေါင်းဆောင်ရွက်ရေး အစရှိတာတွေ ပါဝင်ကြောင်းလည်း သိရပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA