Скачать или смотреть قصيدة للشاعر والفارس :ثامر بن ثامر اليسيدي الغامدي

انا بن ثامر قيدوم سبع من القبايل
قيدوم غامد حضرها واحلالها
يا جاهلٍ فينا ترانا غامد
بيرٍ يعدي جمّها عن جالها
مرصوصة الجالين زرقا عيلم
تغدي بمايعها ومن فنجالها
ريع القراحة حدنا من خثعم
ومن كباثه لي مفيض دحالها
ومن يم البقوم ثابتٍ حدنا
صفر الصروف اللي عذي انجالها
يا ما طردت الخيل فيها بالقنا
واحثها حتى يطير جلالها
احما الثلاثة من الثمان ليا اقبلت
والعشر والعشرين عند اقبالها
ماني بهنجولٍ يهنجل بالحكا
ترى الرجال اسماجها هنجالها
انا وهنجالي على شلوانه
واسابق الشرقه بروس زلالها
ولاني بخطوة واحد له جمه
عند العذارى يعجبه نسّالها
يكون راعي دلةٍ يصلا لها
تفرح به العيرات حين اقبالها
فاوصيك انا لا عدت ناوي النيه
انص الجبال وكب عنك اسهالها
وان كنت جزاع وتبغى قبيله
انص الرجال وكب عنك انذالها
ترى بعض الرجال جبالٍ شامخه
زبن الدخيل وزبن من يلجا لها
وترى بعض الرجال جبالٍ شامخه
ما كل راقي لا رقى يحتالها
وترى بعض الرجال جبالٍ شامخه
فيها الذرى والماء وزبن وعالها
وترى في الرجال مقدم ومؤخر
مثل اليمين تمد قبل شمالها
وترى في الرجال رملةٍ متهالكه
لا تزبّن الجاني ولا يغدى لها
وترى في الرجال كما البكار اللقح
تاكل ولا اتكل وقطع سلالها
وترى في الرجال حبيني ومتبيني
له مقعد بين الرحى وثفالها
واوصيك بنت اللاش لا تغزي لها
الا ليا منك نويت ابدالها
عاين لاخوها مقبلٍ ومقفي
هم اعرف انه جالسٍ لعيالها
جنبيته قشرى ليا من سلها
ولها سيورٍ يعجبه دلدالها
من قلة الهاجوس في جمهاته
جعل الفلس يمه ومن بدالها
لقيت في الصبيان عيب قاطع
دمّاق للزيدان ما يدعى لها
والعيب لآخر من يسعّي بالحكا
فان الحكايا عايبٍ نقّالها
والعيب الآخر من يسوس قصيرته
يفرح ليا من قيل غابوا رجالها
فاللاش ولد اللاش مثل الحماطة
وترى الحماطة ما يخل اخلالها
واللاش ولد اللاش فيّة عراده
وترى العرادة ما يظل اظلالها
واللاش ولد اللاش مثل المعيه
كب المعية حارامها وحلالها
لا تحسب الجودة عصا مطروحة
ترى العصا دنا مالها قلالها
لكن ترى الجودة حيود مرازة
تفتر عضود اللاش من قلالها
والمرجلة بالوصف صعب مرازها
يصعب على ولد الردي منالها
الا ببذل المال والجود والنقا
والراية العليا وطيب انجالها
#2026 #music #غامد #ااهيلا #٧٠٧