စစ်ကောင်စီ ထပ်မံအထိနာနေတဲ့ ၁၀၂၇ ဒုတိယလှိုင်း (ရုပ်/သံ)

စစ်ကောင်စီ ထပ်မံအထိနာနေတဲ့ ၁၀၂၇ ဒုတိယလှိုင်း (ရုပ်/သံ)

ဘုန်းအောင် ၊ ဇွန် ၂၈ ၊ ၂၀၂၄

တအာင်း(ပလောင်) အမျိုးသား လွတ်မြောက်ရေး တပ်မတော် (TNLA) က ဦးဆောင်တဲ့ ၁၀၂၇ စစ်ဆင်ရေး အပိုင်း (၂) ဒုတိယလှိုင်း စစ်ဆင်ရေးဟာ ၃ ရက်တာအတွင်း စစ်ကောင်စီရဲ့ တပ်စခန်း ၂၅ ခု ကျော်၊ စစ်သုံ့ပန်း ၁၇ ဦး၊ စစ်ကောင်စီရုပ်အလောင်းတွေနဲ့အတူ လက်နက်ခဲယမ်းတွေ သိမ်းဆည်းရမိခဲ့ပြီး စစ်ကောင်စီကို နောက်ထပ် အရှက်ရစရာ ဖြစ်အောင် ထိုးနှက်လိုက်ပါတယ်။

ရှမ်းပြည်နယ် မြောက်ပိုင်းမှာ ညီနောင်မဟာမိတ် သုံးဖွဲ့ နဲ့ တော်လှန်ရေးတပ်ပေါင်းစု စတင်ခဲ့တဲ့ ၁၀၂၇ စစ်ဆင်ရေးဟာ ၂ လခွဲဝန်းကျင်အတွင်း မြို့ပေါင်း ၁၆ မြို့ထက်မနည်းကို တော်လှန်ရေးတပ်တွေ သိမ်းယူပြီးနောက် တရုတ်ကြားဝင်မှုနဲ့ ဟိုင်ဂင်သဘောတူညီမှုရခဲ့ပြီး ရပ်နားသွားခဲ့ရတဲ့ စစ်ပွဲဟာ ၅ လကျော်အကြာမှာတော့ ဒုတိယ အကြိမ် စစ်ဆင်ရေး ပြန်လည် စတင်လာခဲ့တာဖြစ်ပါတယ်။

အာဏာသိမ်း စစ်ကောင်စီဟာ ကချင်ပြည်နယ် နဲ့ ရခိုင်ပြည်နယ်မှာ ရှုံးပွဲဆက်ပြီး စခန်းတွေ ၊မြို့တွေ ဆက်တိုက် ဆုံးရှုံးနေချိန် ၊ ကရင်ပြည်နယ် ဒေါနတောင်မှာ စစ်ကူလာတဲ့ အောင်ဇေယျစစ်ကြောင်း ပိတ်မိနေချိန်၊ ကရင်နီ၊ စစ်ကိုင်း၊ ချင်း နဲ့ တနင်္သာရီတိုင်းတွေမှာ အထိနာနေချိန် ရှမ်းမြောက်နဲ့ မန္တလေးမှာ ၁၀၂၇ စစ်ဆင်ရေး ဒုတိယလှိုင်း ပေါ်ပေါက်လာခဲ့တာပါ။

This article is supported by the Transition Promotion Programme, Ministry of Foreign Affairs of the Czech Republic.
------------------------------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR