អ៊ុយក្រែនដណ្ដើមបានភូមិរុស្ស៊ីមួយចំនួនទៀតក្នុងតំបន់ Kursk ខណៈរុស្ស៊ីកំពុងព្យាយាមវាយបក

វិទ្យាស្ថានសម្រាប់ការសិក្សាសង្គ្រាម (ISW) បានចេញផ្សាយផែនទី ដែលបានធ្វើបច្ចុប្បន្នភាពដែលបង្ហាញពីការរីកចម្រើននាពេលថ្មីៗនេះរបស់អ៊ុយក្រែន ដោយបង្ហាញពីវឌ្ឍនភាពដ៏សំខាន់នៅភាគខាងជើង នៃជួរមុខដំបូងចាប់តាំងពីថ្ងៃពុធសប្ដាហ៍មុន។ ទោះបីជាមានការវាយបករបស់រុស្ស៊ីនៅជិត Lyubimovka និង Daryino រួមទាំងកិច្ចខិតខំប្រឹងប្រែងដោយកងពលតូចម៉ារីនទី 810 នៅ ភូមិBorki របស់រុស្ស៊ី ក៏ដោយ ក៏កងកម្លាំងអ៊ុយក្រែន បានបន្តការឈានទៅមុន របស់ពួកគេ នៅភាគខាងជើងនៃទីក្រុង Sudzha ដោយបានរាយការណ៍ថា បានដណ្តើមយកភូមិ Cherkasskoye មួយទៀតពីរុស្ស៊ី។

នៅពាក់កណ្តាលឆ្នាំ 2025 ប្រទេសរុស្ស៊ីត្រូវបានរំពឹងថានឹងប្រឈមមុខនឹងស្ថានភាពសេដ្ឋកិច្ចកាន់តែអាក្រក់ និងបង្កើនការលំបាកជាមួយនឹងការជ្រើសរើស យោធាបន្ថែម។ កងយោធារុស្ស៊ីបច្ចុប្បន្នកំពុងជួបប្រទះការខ្វះខាតកម្លាំងទ័ពរួចហើយ ហើយអ្នកស្ម័គ្រចិត្តក៏មានតិចជាងមុន ដែលកំពុងចុះឈ្មោះ។ រដ្ឋាភិបាលរុស្ស៊ី បានផ្ដល់នូវសំណង ដោយផ្តល់ជាការបង់ប្រាក់តែម្តងក្នុងចំនួនដ៏ច្រើនដល់ទាហានជាប់កិច្ចសន្យា ដោយតំបន់មួយចំនួនអាចចំណាយ ប្រាក់ជាងមួយលានរូប្លែ ដែលស្មើនឹង11,000 ដុល្លារ សម្រាប់អ្នកចូលមកបំរើការថ្មី។