تجھے یاد کیا نہیں ہے میرے دل کا وہ زمانہ-Tujhay yad kia nahin hay-Allama Iqbal- by Khursheed Begum

#ghazal #urdu_shaeree #allamaiqbal #khursheedBegum
تجھے یاد کیا نہیں ہے میرے دل کا وہ زمانہ-Tujhay yad kia nahin hay-Allama Iqbal- by Khursheed Begum
تجھے یاد کیا نہیں ہے مرے دل کا وہ زمانہ
وہ ادب گہ محبت وہ نگہ کا تازیانہ
یہ بتان عصر حاضر کہ بنے ہیں مدرسے میں
نہ ادائے کافرانہ نہ تراش آزرانہ
نہیں اس کھلی فضا میں کوئی گوشۂ فراغت
یہ جہاں عجب جہاں ہے نہ قفس نہ آشیانہ
رگ تاک منتظر ہے تری بارش کرم کی
کہ عجم کے مے کدوں میں نہ رہی مے مغانہ
مرے ہم صفیر اسے بھی اثر بہار سمجھے
انہیں کیا خبر کہ کیا ہے یہ نوائے عاشقانہ
مرے خاک و خوں سے تو نے یہ جہاں کیا ہے پیدا
صلۂ شہید کیا ہے تب و تاب جاودانہ
تری بندہ پروری سے مرے دن گزر رہے ہیں
نہ گلہ ہے دوستوں کا نہ شکایت زمانہ
علامہ اقبال
( بال جبریل)
#intikhab #Urdu_Adab #Urdo_poetry #Ghazal #Urdu_Shaeree #اردوغزل انتخاب# #چشم_بینا #اردوادب #اردوشاعری