#BirBax #Azerbaycan #sizanaq
#dəri #ləkə #səpki
Qara nöqtələr və ağarmış sızanaqlar bir-birinə bənzəyir. Hər ikisi də komedon adlanır. “Komedon” termininin maraqlı mənşəyi var. Latınca “yemək” kəlməsindən yaranıb. Bu termin parazit soğulcanın adlandırılmasında istifadə edilir. Çünki komedonların kənarlarından basdıqda bir soğulcan kimi qıvrılaraq çıxırlar.
Ümumiləşdirək: ağ nöqtələr “qapalı komedon”, qara nöqtələr “açıq komedon” adlanır. Aralarındakı fərq bir faktora əsaslanır. Qara nöqtələrdəki kütlə havaya və ya oksigenə məruz qalıb, oksidləşib. Bunu anlamaq üçün alma misalına baxaq. Almanı dişləyirik və ortada qoyuruq. O, havaya məruz qalır və rəngi qaralmağa, daha doğrusu, qəhvəyiləşməyə başlayır. Dərimizdə də, məhz bu proses gedir. Ağ başlı “qapalı komedon” kiçik bir sızanaq kimidir; ağ maddənin üzərində incə bir qabıq var. Buna görə də, oksigenə məruz qalmaz, rəngi qəhvəyiyə və ya qaraya dönməz.
Bəzi insanlar üzlərini bərk-bərk və tez-tez yuyurlar ki, qara və ya ağ nöqtələrdən xilas olsunlar. Onlar zənn edirlər ki, bunlar dərinin üzərində yığılan kirdir. Kökündən yanlış hərəkətdir. Çünki nöqtələrin içindəki kütlənin sızanaqlardakı kirlə heç bir əlaqəsi yoxdur. Üz dərisini süngər daşı ilə ovmaq, müxtəlif kosmetoloji təmizləyicilərdən istifadə etmək də çıxış yolu deyil.
Əksər xanım bu zaman üzdəki qara nöqləri təmizləməyən qara masakalardan istifadə edir. O dərimizə yapışıb, quruyur. Soyulan zaman sızanaqları özü ilə birldə aparır. Lakin bu vasitənin mütəmadi istifadəsi zamanı dərimizin “dostu” olan bakteriyalar və mikroblar da “ölür”. Bu da dərinin aşınmasında əks effekt verir; vəziyyət daha da ağırlaşır. Bilməyənlər üçün deyim: dost bakteriyalar və mikroblar düşmən bakteriyalar və mikroblarla mübarizə aparır. Dolayısı ilə, onlar immun sistemimizin bir parçasıdırlar. Müntəzəm şəkildə təmizlənən dəri infeksiyalara qarşı müdafiəsiz olur.
Qara nöqtələrin səbəbləri nələrdir? Niyə onlar daim əmələ gəlirlər?
Mövzunun dərininə ensək, hadisələr zənciri ilə qarşılaşarıq. Məsələn; kişilərdə yeniyetməlik dövründə üzü, burnu qara nöqtələrlə zəngin gənc oğlanlara rast gəlmək adi haldır. Antigenlər bir növ testosterondurlar və həm kişilərdə, həm də qadınlarda müşahidə edilir. Zəif testosteronlar və dihidrotestoren (DHT) adlanan güclü testosteronlar var. Adətən, DHT-li insanlarda sızanaqlar çox olur. Qara və ya ağ nöqtələr də onların üzündə digər insanlara nisbətən artıqdır.
Bəs, DHT haradan qaynaqlanır?
Bu, insulinin və insulinəbənzər böyümə faktorunun səviyyəsindəki artımdan qaynaqlanır. Prosesin reallaşmasının iki səbəbi olduğunu unutmayın. İkisi də, yağ istehsalını, sızanaq həcmini və onların daxilindəki ekstra protein maddəsinin bir qismini artırır. Maraqlı olduğu qədər də, qəribədir, hə? Bəs bu maddə bədənimizdə niyə artır? Bunu bilək. Burda qarşımıza 3 amil çıxır:
Rafinə edilmiş karbohidratların qəbulu. Buraya şirniyyatlar, çörək, makaron, krakerlər, vaflilər, kreplər və bu siyahıda sevdiyiniz hər şey daxildir. Rafinə edilmiş karbohidratlar insulinin səviyyəsinin yüksəlməsinə səbəb olur, nəticədə, problemlə üzləşirsiniz;
Bəzi süd məhsullarının qəbulu. Süd məhsulları inək və ya digər heyvanların böyüməsinə kömək edən süddən əldə edilir. Yəni bunlar hamısı böyümə məqsədi güdən qidalardır. Başqa sözlə, orqanizmimizə təsir edəcək bir çox hormonla zəngindirlər. Bəli, təəccüblənməli heç nə yoxdur: qatıq, kefir, pendir, xüsusilə də, süd dərinizə təsir edir. Emala məruz qalan südə başqa şeylər də əlavə edilir. Məsələn; marketlərin vitrinini bəzəyən süd qutuları var ha, içərilərindəki süd Omega-6 ilə zəngin yemlərlə bəslənmiş inəklərdən sağılıb. Həmin inəklər dağ yamacındakı örüşdə otlamır, fermalarda, müəyyən bir düzənlikdə bəslənirlər. Otla bəslənən inəklərin südü nadirən iltihaba səbəb olur... Nə isə... Bilməli olduğunuz şey budur: süd məhsulları da problemlərinizi kəskinləşdirə bilir;
Omega-6 yağ turşuları ilə zəngin qidaların qəbulu. Qara nöqtələr və ağ nöqtələrlə bağlı vəziyyəti daha da pisləşdirən yağ növü Omega-6 yağ turşularının bir neçəsidir. Rafinə edilmiş karbohidratlar siyahısına daxil olan qidaların əksəriyyətində, eləcə də, qarğıdalı yağı, soya yağı istifadə edən restoranların təklif etdiyi yeməklərdə Omega-6 yağ turşuları çoxdur. Son 20 ildə bəşəriyyətin rasionundakı rafinə edilmiş karbohidratlarda, şirniyyatlarda, süd məhsullarında Omega-6 yağ turşularının miqdarı artıb. Bir də palma yağlarında Omega 6 yağ turşuları olur. Tərkibində palma yağı olan qidalardan uzaq durmaq işinizə yarayacaqdır. Bu arada palma yağı nədir? Nədən yaranır? Hansı mıhsulların tərkibində var? Tipli sual yarandısa sizdə, kanalımdakı bu videonu izləyə bilərsiniz.
Информация по комментариям в разработке