Скачать или смотреть ბიუჯეტის კორექტირებულ ვარიანტს ფინანსთა სამინისტრო მთავრობას დღეს წარუდგენს

2015 წლის სახელმწიფო ბიუჯეტის კორექტირებული ვარიანტი ფინანსთა სამინისტრომ მთავრობას დღეს უნდა წარუდგინოს, რის შემდეგადაც საკითხზე პარლამენტი იმსჯელებს.

ქვეყნის მთავარ საფინანსო დოკუმენტში ცვლილებების შეტანის მიზნით, ფინანსთა სამინისტრო უკვე რამდენიმე თვეა მუშაობს. ქვეყნის მთავარი საფინანსო დოკუმენტი 5 %-იანი ეკონომიკური ზრდის მაჩვენებლის ნაცვლად, 2 %-იანი მაჩვენებლის მიხედვით უნდა დაკომპლექტდეს.

ცვლილებები სოციალური, ჯანდაცვისა და ინფრასტრუქტურული პროექტების დაფინანსებას არ შეეხება. მმართველ გუნდში აცხადებენ, რომ სამინისტროებმა მიმდინარე და განსახორციელებელ პროექტებს უნდა გადახედონ და ის პროექტები შეაჩერონ, რომლებზეც უარის თქმა ქვეყანას ზიანს არ მიაყენებს.

ადმინისტრაციულ ხარჯებს 3,5 მილიონი ლარით ამცირებს შინაგან საქმეთა სამინისტრო.