Скачать или смотреть SAKATA LA MWANAFUNZI KUTOROSHWA, KIHONGOSI ATOA MAAGIZO.

Katibu wa NEC, Itikadi, Uenezi na Mafunzo wa Chama cha Mapinduzi Komred Kenani Kihongosi amemuagiza Mkuu wa Wilaya ya Mkalama mkoani Singida Moses Machali kufuatilia changamoto ya kutoweka kwa mtoto shuleni katika mazingira yenye utata huku mama mzazi Vivian Stephano, akidai kufanyika njama za kutoroshwa mtoto huyo kwenda kuishi na mwanaume mkoani Geita.

Komredi Kihongosi ametoa agizo hilo katika Mkutano wa hadhara, uliofanyika Iramba Mjini, alipokuwa akisikiliza kero za wananchi katika mwendelezo wa ziara yake mkoani Singida.

Katika mkutano huo baada ya kusikiliza kero hiyo, Komredi kihongosi alimuagiza DC Machali, aongozane na Mama mzazi wa mtoto,ili akathibitishe kama kweli Baba wa mtoto aliyemtorosha mwanafunzi yupo polisi na vyombo husika viende hadi mkoani Geita kumfuata mtoto.

Komredi Kihongosi alimtoa hofu mama wa mtoto, kwani ameshaagiza ufuatiliaji wa suala hilo na apewe taarifa haraka.
Awali DC Machali, amesema analifahamu suala hilo na kueleza ameshakutana na mama wa mtoto, na baada ya kwenda nae polisi, alibaini
kulikuwa na changamoto katika kushughulikiwa kwa Jambo hilo.
DC Machali, amesema mpaka sasa wanachunguza sehemu ambayo Jeshi la polisi lilizembea katika kufuatilia suala hilo ili hatua zichukuliwe.
Awali akitoa kero yake kwa Mwenezi, Vivian ambaye ni mama mzazi wa mtoto huyo, aliyepotea, amesema mtoto wake alipotea akiwa anaendelea na masomo shule ndipo alifahamishwa kuwa mtoto wake hayupo tena shuleni na ametoroshwa kupelekwa Geita.
Amesema licha ya kufuatilia na kutoa taarifa polisi na kusaidia kukamatwa kwa mwanaume aliyekuwa akiishi na mtoto wake, lakini mwanaume huyo aliruhusiwa kutoka baada ya baba yake mzazi kumdhamini mtuhumiwa huyo.Mama huyo ameomba apate haki yake ya kumpata mtoto wake, na kusema amepoteza fedha nyingi zaidi ya shilingi milioni mbili ambazo zilikuwa zikitumika katika nauli.

#funny #news #update #business