[理財] 你做到理性消費嗎？| 什麼是理性消費？| 理性消費小秘訣

#理性消費
#RationalConsumption
#理財
你做到理性消費嗎？| 什麼是理性消費？| 理性消費小秘訣
講到理財，除咗要學識點樣將資產分配去做財富增值之外，其中一樣非常緊要嘅就係擁有一個良好嘅消費習慣，我哋要學識得點樣理性消費。中國人嘅傳統習俗就係要節儉，不過依家嘅新一代已經唔同以前，吾會樣樣都以節儉為主，新一代嘅人跟著重生活質素，不過亦都要同自己嘅賺錢能力取個平衡。所以今日就同大家講下點樣可以做到理性消費呀！

1. 應買則買
首先理性消費唔係要大家一味慳錢，反而大家應該要應買則買，學識得分有咩係需要同埋想要。切勿過度消費。

2. 選擇性價比高嘅物品
平野吾一定無好，貴嘅亦都唔一定最好，購物嘅時候應該選擇性價比高嘅物品，因為有啲產品貴並不是貴在品質，只係貴在品牌名氣，大家要理性消費就應該留意要產品嘅質素。
仲有避免為咗慳錢而選擇質量太差嘅產品，如果質量太差用一陣就壞又要再買過，除咗煩之外，變相支出仲變多左添，其中一個例子就係以前我都好鍾意買一啲平價嘅ear phone，最平我記得十幾二十蚊已經有，不過每次用得幾個月就已經會開始壞要再買，除咗用落去嘅體驗冇咁好之外，亦都每一次要花時間再去購物，到後來我選擇咗一個相對性價比高嘅ear phone，之後就冇再經常要更換嘅問題啦。
所以購物嘅時候應該要留意物品性價比，可以買之前做多啲資料搜集，睇多啲嗰個產品嘅評價去決定，就少啲機會買錯野，減少浪費呀。買質量好嘅，長時間去用，總比買一個質量唔好嘅放咗喺度冇用過呀！
3. 多啲格價
有啲人買嘢唔鍾意格價，覺得好麻煩，鍾意睇啱就買，但係格價可以令到大家慳到吾少錢，所以格價係好緊要㗎，慳咗錢仲可以用嚟減輕其他生活開支。
跟住就會分享經兩個小秘訣，如果你有亂買野嘅問題都不妨可以試下！

1.戒掉消費成癮
有些人在心情不好或壓力大時就想買東西，就係啲人講嘅Retail Therpay，不過買了東西回來後發現根本用不到，跟住又好後悔同自責。想要戒咗呢種壞習慣，可以在心情不好的時候找另外一件自己有興趣的事情做，幫助自己轉移注意力。分享一個我自己嘅做法，我自己喺心情唔好嘅時候就鍾意執屋，因為當屋企凌亂嘅時候自己嘅心情會容易變得煩躁，甘執屋就正正可以幫自己整理思緒，同埋執屋可以畀自己有啲嘢去做，唔會因為太得閒個腦冇嘢做就諗買嘢，而且執屋係唔會太過需要體力勞動或者好辛苦嘅嘢，係好輕易可以做到，同埋喺心情唔好嘅時候，我就特別鍾意將一啲唔要嘅野掉走就好似將衰嘅嘢，唔好嘅嘢掉曬佢咁，之後見到自己屋企整潔咗心情都會好好多。大家如果有心情吾好嘅時侯都不妨試下。
執屋呢樣嘢除咗喺心情唔好嘅時候可以做之外，定期去做下都吾錯架，因為可以檢視一下自己擁有嘅物件，當你認真執屋嘅時候就會發現你有好多物品，可能只係放埋咗一邊，唔記得咗佢，再攞返出嚟著嘅時候，又可以當係新嘅衫一樣，而且亦都會避免再買重複類似嘅衫。另外定期執嘢都可以適當地進行斷捨離，將一啲唔再用嘅物品捐出去，又或者賣出去。

2.喺買嘢之前，給自己一個冷靜期
好多時我哋買嘢都係一啲Impulse purchase，即係只係一時衝動，尤其係依家網購非常方便，撳幾個掣就已經可以買到嗰樣嘢，而且仲有越買得多折扣越多嘅優惠，令大家過度消費 。所以當想要買東西的時候，先等一等，不要立刻進入結帳步驟或走到收銀台，將想買的物品先放入購物車，放幾天，或者先離開在實體店，俾自己一個冷靜期，睇下自己係唔係真係想要呢件嘢，可以避免不少衝動購物的發生。