ომი თუ მშვიდობა: რა ბედი ელით სატელიტებს დიდ გეოპოლიტიკურ ომში

თანამოსაუბრე: დემურ გიორხელიძე. ბლოგერი-ჟურნალისტი: ნინო ხაჩიძე
რადგან გეოპოლიტიკური დიდი დაპირისპირებაა და სამყარო ლამის ორად გაიყო, თუმცა საომარი მოქმედებების არეალი მაინც შეზღუდულია, ყოველ შემთხვევაში, ჯერჯერობით და შემოიფარგლება უკრაინის ტერიტორიის დიდი ნაწილითა და საკუთრივ რუსეთის კურსკის ოლქით, ომის მომხრეებისა და მოწინააღმდეგეების თემა არა მხოლოდ ჩვენს პოლიტიკურ სცენაზეა ააქტუალური, არამედ თვით შეერთებულ შტატებშიც - ბოლო მონაცემებით, გასულ შაბათს, მსოფლიო დიდ ბირთვულ ომს, ანუ 72 წუთში განადგურებას გადაურჩა, თუმცა პირადად მე მაინც არ მჯერა, რომ მსოფლიოს დიდ სახელმწიფოებს ბირთვული ქობინები ერთმანეთის დასახოცად უნდოდეთ, უფრო, ალბათ, იმისთვის, რომ ჩვენნაირების ხარჯზე დიდხანს და ბედნიერად იცხოვრონ.
რადგან ამ გეოპოლიტიკურ დაპირისპირებაში საქართველოს ჩართვა აქტუალურია (ეს ჩანს ჩვენი წინასაარჩევნო კამპანიის რიტორიკითაც და საზოგადოების განწყობებითაც), ვისთვის შეიძლება, იყოს ხელსაყრელი ან, პირიქით, საზიანო საქართველოდან დაწყებული არეულობა რუსეთის სამხრეთ საზღვართან, თურქეთისა და ირანის მეზობლად, ჩინეთისა და ინდოეთის ინტერესების გადაკვეთაზე (ვგულისხმობ ორ დიდ ეკონომიკურ პროექტს: ჩინურ დიდ აბრეშუმის გზასა და სანქტ-პეტერბურგ-მუმბაის დამაკვშირებელ ხაზს)?!