Скачать или смотреть عصبات: اسلامی تشریعات اور اقسام کا تجزیہ علم میراث - Noor e Hidayat

عصبہ کی تعریف:۔قرابۃ الرجل لابیہ یعنی باپ کی جانب سے مردکے رشتہ داری۔
عصبہ کا حکم:۔عصبہ کا حصہ قرآن وحدیث میں متعین نہیں بلکہ وہ تنہاء ہونے کی صورت میں کل مال مالک ہوتے ہیں ،لیکن اگر ذوی الفروض موجودگی ہو تو ان سے بچ جانے والا سارا مال ان کو مل جاتا ہے ۔اگریہ ایک سے زیادہ ہو تو سب وارثت میں برابر کے حق دار ہوگئے ۔
عصبہ نسبی کی تعریف :۔
عصبہ نسبی :۔جومیت کے ساتھ نسب کا رشتہ رکھتے ہوں، اورچونکہ نسب کااعتبارباپ کی جانب سے ہواکرتاہے لہذاان سے مرادباپ کے طرف کے رشتہ دار ہوگئے ۔
عصبہ نسبی کے اقسام :۔
(1)عصبہ بنفسہ (2)عصبہ بغیرہ (3)عصبہ مع غیرہ۔
1۔عصبہ بنفسہ:۔جس کامیت سے رشتہ قائم ہونے میں درمیان میں کوئی عورت نہ آئے ۔لہذانانا، (اخیافی بھائی بہن)اوربھانجاعصبہ بنفسہ میں شامل نہیں ہوگئے کیونکہ وہ ماں کی وجہ سے رشتے دار بنتے ہیں ۔ حقیقی بھائی اگرچہ ماں کے واسطے سے رشتہ دار بھی بنتاہے لیکن باپ کی بناء پرماں کااعتبارنہیں ہوگا۔چنانچہ حقیقی بھائی عصبہ میں داخل ہے ۔
عصبہ بنفسہ کی اقسام:۔
(1)فرع جزء میت۔ (2)اصل میت۔ (3)فرع اصل قریب۔ (4)فرع اصل بعید۔
(1)فرع جزء میت:۔یعنی میت کی مذکراولاد جیسے بیٹا،پوتا،نیچے تک۔
(2)اصل میت:۔یعنی جن کی اولادمیں یہ میت ہے جیسے باپ دادا۔
(3)فرع اصل قریب:۔یعنی باپ کی مذکراولادجیسے بھائی ۔
(4)فرع اصل بعید:۔یعنی داداکی مذکراولادجیسے چچا اوراس کی مذکراولاد۔
عصبہ بنفسہ کے ترکہ کی تقسیم کے اصول
اصول نمبر1:اگرصنف واحدیعنی ایک ہی قسم کے ایسے کئی افرادجمع ہوجائے ،جن میں باہم کوئی فرق نہیں ۔جیسے تین حقیقی بھائی ،توان سب کوحصہ ملے گاکوئی کسی کی وجہ سے محروم نہ رہے گا۔نیزاگرصنف واحدکے اوپرنیچے کے افرادجمع ہوجائے،توقربہ درجہ سے ترجیح ہوں گی یعنی قریب والابعیدکومحروم کردے گا۔چنانچہ اگربیٹااورپوتاجمع ہوجائے ،توپوتامحروم رہے گا۔
اصول نمبر2:اگرمختلف اصناف کے افرادجمع ہوجائے تودواصول ہے(1)قربہ درجہ موجودہو جیسے بیٹا،پوتا تویہ تمام عصبات پرمقدم ہونگے ۔پھرابوت ،پھراخوت،اورپھرعمومت کادرجہ ہے۔(2)قربہ درجہ کے بعدقرب قرابت کودیکھاجائے گالہذاحقیقی بھائی علاتی بھائی پر،حقیقی بھتیجا علاتی بھتیجاپر،حقیقی چچاعلاتی چچاپرمقدم ہوگا۔
2۔عصبہ بغیرہ۔وہ عورتیں ہیں جوذوی الفروض میں سے ہواوراپنے بھائیوں کے ساتھ جمع ہوجائیں یہ چارعورتیں ہیں جن کے حصے نصف ..یا..ثلثان ہوتے ہیں۔
(1)بیٹی (2)پوتی (3)حقیقی بہن۔ (4)علاتی بہن۔
ان کے علاوہ کوئی عورت عصبہ بالغیرنہیں ہوتی اورجوعورت بھائی کے ساتھ جمع ہولیکن خودذوی الفروض میں سے نہ ہو،توعصبہ نہ ہونگی جیسے پھوپی چچاکے ساتھ عصبہ نہیں ہوتی۔
3۔عصبہ مع غیرہ۔وہ عورت جودوسری عورت کے ساتھ مل کرعصبہ بن جائے۔یہ فقط دو ہیں۔
(1)حقیقی بہن۔ (2)علاتی بہن۔
یہ دونوں بیٹی.. یا..پوتی کے ہوتے ہوئے عصبہ مع الغیربن جاتی ہے۔