Скачать или смотреть Trampdan təhlükəli gediş: Tomahavk Rusiyanı vura bilər

Tomahavk. Putinin davranışlarından məyus olan Trampın Rusiyaya qarşı yeni silahı budur. Silah özü köhnədir, məqsədləri isə təzə. ABŞ Ukraynaya uzaqmənzilli Tomahavk raketləri verə bilər. Qərb mediası yazır ki, ötən gün Amerika və Ukrayna liderləri telefon söhbətində bu məsələni müzakirə ediblər. Dünya indi Tomahavkın niyə bu qədər qorxulu olduğunu araşdırır. Dənizdən quruya, sualtıdan quruya, yerdən-yerə və dənizdən-dənizə. Bu, Tomahavkın xüsusiyyətləridir. Çox uzaq məsafəni vurmaq gücünə malikdir. Onsuz da Rusiya hazırda iqtisadi cəhətdən çətin dövrünü yaşayır. Neft emalı zavodlarının Ukrayna tərəfindən tez-tez vurulması Rusiyanın işini müşkülə salır. Ukraynaya Tomahavk verilsə, bu, hətta Moskvanın da vurula biləcəyi deməkdir. Amma qorxulan yalnız bu da deyil. Ən pis ssenari də var. Tomahavk Rusiya-ABŞ hərbi qarşıdurmasına da çevrilə bilər. Rusiya hələ ki, təmkinli açıqlamalar verir. Sərt bəyanatlardan yayınan Moskva yumşaq xəbərdarlıqla kifayətlənir. Amma təbii ki, bir tərəfdən də hazırlaşır. Putin bu həftə yeni silahın anonsunu verdi. Demək istədi ki, sizin “Tomahavk”ınız varsa, bizim də yeni silahımız var. Qərbdə isə düşünürlər ki, Rusiyanın ABŞ-yə ən sərt cavabı nüvə silahından istifadə ola bilər. Donald Trampın dayandıra bilmədiyi Rusiya-Ukrayna müharibəsinin bu gün 1327-ci günüdür. Bəlkə də Trampın Nobel Sülh Mükafatı almamasının səbəblərindən biri də budur. Savaşı bitirə bilməyən Tramp “Tomahavk” raketlərinin Ukraynaya ötürülməsinə qərar verəcəkmi?

Bizi İzləyin:
Whatsapp: https://bit.ly/457kdup
Facebook: https://bit.ly/3H6GtMT
Instagram: https://bit.ly/46wEkoi
Teleqram: https://bit.ly/3INUKP2
Sayt: https://bit.ly/3UzGQme

Copyright © İCTİMAİ TV