Скачать или смотреть Khit Thit Afternoon News | February 20, 2026

Khit Thit သတင်းဌာန၏ ဖေဖော်ဝါရီ ၂၀ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၂၀ ရက် ရက် နေ့လယ်ပိုင်း တင်ဆက်ပေးမယ့် သတင်းတွေကတော့

မြန်မာနိုင်ငံမှာ နိုင်ငံတော်ပြိုကွဲပျက်စီးစေမည့်လုပ်ရပ်များစွာရှိနေတဲ့အတွက် နိုင်ငံအတွက် အလွန်အန္တရာယ်ကြီးမားနေတယ်ဆိုပြီး အကြမ်းဖက် မင်းအောင်လှိုင် က ပြောဆိုလာပြန်ပါတယ်။

စစ်ကိုင်းတိုင်း ယင်းမာပင်ခရိုင်မှာ နဂါး ဦးဆောင်ခဲ့တဲ့ BNRA အဖွဲ့ဝင် အယောက်၂၀၀ နီးပါးဟာ PDF တပ်တွေဆီမှာ လာရောက်ပူးပေါင်းပြီး ကျန်ရှိသူတွေအနေနဲ့ လက်နက်ခဲယမ်းတွေ ထပ်မံ လာရောက် အပ်နှံဖို့ ခရိုင် ပကဖ အဖွဲ့က အသိပေးချက် ထုတ်ပြန်လိုက်ပါတယ်။

-ပဲခူးတိုင်း၊ ကြို့ပင်ကောက်မြို့နယ်မှာရှိတဲ့ အကြမ်းဖက် စစ်တပ်ရဲ့ သိုက်တူကုန်းဂိတ်ကို တော်လှန်ရေး တပ်တွေက ဝင်ရောက် တိုက်ခိုက်မှုအတွင်း စစ်တပ်ဘက်က ထိခိုက်သေဆုံးမှုတွေ ရှိထားပြန်တယ်လို့ PDF တပ်ရင်း - ၃၈၀၁ တပ်ခွဲ ၅ ရဲ့ တာဝန်ရှိသူ တစ်ဦးက ရန်ကုန်ခေတ်သစ်ကို ပြောပါတယ်။

အီရန် နိုင်ငံအနီးကို အမေရိကန်ရဲ့ ဒုတိယမြောက် လေယာဉ်တင်စစ်သင်္ဘော ရောက်ရှိတော့မယ့် အချိန်မှာပဲ အမေရိကန်သမ္မတ ထရမ့်က ခြိမ်းခြောက်မှုတွေ ထပ်လုပ်လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။