“India Se Jumla Tak: Gala Apple Harvest Ka Safar | Orchard Mein Hua Kamal”

Iss video mein hum aapko le chalenge Jumla Valley ke ek behtareen 4 saal purane orchard ka safar, jahan aaj se Gala aur King Rot apple ka harvesting shuru ho chuka hai. Pichle march se ye projects hamari consultancy mein hain aur ab tak humne kaafi improvement dekhi hai. Gala apple ka size aur color development bahut accha hai, aur pruning kaafi ache tareeke se ki gayi hai, jiski wajah se plants bilkul healthy aur productive hain.

Aaj hum Jumla Valley ke is block mein aaye hain jahan lagbhag 36,000 plants hain. Sabse uchai par aakar, Jumla ki khubsurat valley ka nazara dekhne layak hai. Iss orchard ki quality aur maintenance Himachal aur Kashmir ke orchards se bhi compete kar rahi hai, aur yahan ki Gala apple variety kafi high-quality hai. Naste ke baad hum orchard ko explore kar rahe hain, saath hi Nepal ke traditional tarike se dahi banane ka anubhav le rahe hain.

Iss video mein Jumla Valley ke sukoon bhare nazare aur hard work ka asar aapko zarur dekhne ko milega. Aaiye humare saath is safar mein shamil ho aur dekhiye kaise ek orchard ki planning, pruning aur harvesting hoti hai. Mazedaar clips aur live footage ke saath, yeh video apple farming aur nature lovers ke liye ek treat hai!