Скачать или смотреть Illegal transfers of Telangana Government .Stop illegal inter district transfers -USPC

.*పైరవీ బదిలీలకు సై.....అంతర్జిల్లా బదిలీలు నై.....*
ఉపాధ్యాయుల పైరవీ బదిలీలు మరల షురూ అయినాయి. సోమవారం నాడు 15 మందికి సిఎం కార్యాలయం సఫారసు మేరకు విద్యాశాఖ కార్యదర్శి ఉత్తర్వులు విడుదల చేశారు. జిల్లా లోపల మరియు బయటి జల్లాలకు ఈ బదిలీలు ఉన్నాయి. ఉదాహరణకు నిర్మల్ నుండి ఆదిలాబాద్ కు, కొత్తగూడెం నుండి రంగారెడ్డి కి, జగిత్యాల నుండి కరీంనగర్ కు, సిరిసిల్ల జిల్లా లో అంతర్గత బదిలీ....అభ్యర్థులు పాఠశాలల్లో చేరేవరకు ఎవరికీ సమాచారం తెలియనంత రహస్యంగా ఉత్తర్వులు ఇచ్చారు. పారదర్శక కౌన్సెలింగ్ విధానాన్ని అపహాస్యం చేస్తూ ప్రభత్వమే నేరుగా బదిలీలు నిర్వహించటాన్ని ఉపాధ్యాయ సంఘాల పోరాట కమిటీ (యుయస్పీసీ) తీవ్రంగా ఖండిస్తున్నది.
సుమారు నాలుగు వందల మంది ఉపాధ్యాయులు అంతర్జిల్లా బదిలీలకోసం ఐదేళ్ళుగా మంత్రులు, అధికారుల చుట్టూ తిరుగుతున్నా, ఉపాధ్యాయ సంఘాలు ప్రాతినిధ్యం చేస్తున్నా పట్టించుకోకుండా, పలుకుబడి కలిగి పైరవీ చేసుకున్న వారికి మాత్రం కోరుకున్నచోటకు రహస్యంగా బదిలీలు చేయడం ఏం న్యాయమని యుయస్పీసీ ప్రశ్నిస్తున్నది.
ప్రభుత్వం చేసిన పైరవీ బదిలీలు నిలిపివేయాలని, అవసరమైన, అర్హత కలిగిన ఉపాధ్యాయులు అందరికీ అంతర్జిల్లా బదిలీలు నిర్వహించటానికి వీలుగా నోటిఫికేషన్ విడుదల చేయాలని యుయస్పీసీ డిమాండ్ చేసింది. ఆ మేరకు ఈరోజు(మంగళవారం) యుయస్పీసీ ప్రతినిధులు సిహెచ్ రవి(టిఎస్ యుటిఎఫ్), వై అశోక్ కుమార్, మైస శ్రీనివాసులు(టిపిటిఎఫ్), ఎం రఘుశంకర్ రెడ్డి, టి లింగారెడ్డి(డిటిఎఫ్) లు విద్యాశాఖ కార్యదర్శి జనార్దన్ రెడ్డి ని కలిసి నిరసన తెలియజేశారు. పైరవీ బదిలీలు రద్దు చేసి అంతర్జిల్లా బదిలీల షెడ్యూల్ ఇవ్వాలని కోరారు.
జనార్దన్ రెడ్డి సానుకూలంగా స్పందిస్తూ సిఎం కార్యాలయం ఆదేశాల మేరకు పరిమిత సంఖ్యలోనే బదిలీలు జరిపామని, అవసరమైన వారికి అంతర్జిల్లా బదిలీలు నిర్వహించటానికి చర్యలు తీసుకుంటామని తెలిపారు.



For more information about employees and Educational services visit my channel

   / @thrinayachannel