Lug​ txaj​ tsis​ muaj​ kw muaj​ tig

1. Xav zoj lug tu sab laj lim tub num xwm yuav tsiv teb coj tsaws chaw tseg leej kwv leej tig rua ib sab toj nyob tsis muaj kwv muaj tig laam moog nyob caum tej qhua lawv luas npoj luas mov luas tshua ces tsuas mov thaum yuav tau noj thaum muaj txab muaj nkeeg ces luas tsis saib thaum yuav pluj yuav tuag ces luas nyob tsis soj
Xav zoj lug tu sab laj lim tub num xwm yuav tsiv teb coj tsaws chaw tseg leej kwv leej tig rua rua ntuj sua teb tom qaab moog nyob tsis muaj kwv muaj tig laam moog nyob caum luas npoj lawv luas paab luas tsuas mov tshua ces tsuas mov thaum yuav tau naav thaum muaj txab muaj nkeeg ces luas tsis saib thaum yuav pluj yuav tuag ces luas luas tsis soj tsis taug koj qaab
2. Ua lub neej moog dlai luas ntug zog lawv luas ntug zej thaum muaj kev nyuab sab dlaab yuav lug tsuv yuav tuaj ces luas has tas laaj lim tub nuj xwm yog tub txawj tub ntse ces txawj taw teg ces kom tub nuj xwm ua tug ntaus ntej caag es ca thaum tua tsuv tuag dlaab tsis rov qaab yuav tau noj ces luas tsis ncu txug tub laaj lim tub nuj xwm tseg ncua nyob tsis quav ntsej.
Ua lub neej moog dlai luas ntug zog nyob luas teb chaws thaum muaj kev nyuab sab dlaab yuav lug tsuv yuav tuaj ces luas has tas laaj lim tub nuj xwm yog tub txawj tub ntse ces txawj teg taw ces kom tub nuj xwm ua tug ntaus thawj caag es ca thaum tua tsuv tuag dlaab tsis rov qaab yuav tau noj ces luas tsis ncu txug tub laaj lim tub nuj xwm tseg ncua nyob nyob tsis hu tuaj rov tsis ncu caw .
3. Tub nuj xwm aw ncu ntsoov yug tsis muaj kwv muaj tig ncu ntsoov txob moog caum dais coj tub tsaam thaum dlais tsis tuaj ces luas tas peb sib paab moog caum dlais nkaag rua tim lub qhov tsua dlub thaum dlais tuaj ces luas npu luag tug tseg koj nrug dlais sib npuaj ces tug roj tug ntshaav yuav ntxaum le ntxav aav moog luaj dlub koj yuav quaj yuav hu los yuav tsis pum nub koj kwv koj tig tuaj txug ces tug nqaj nyob moog lwj dlub ncu ntsoov thaum yuav tuag los muav muaj kwv muaj tig ua tug paab rub thaum ho tau ib pawg nyaj ib pawg kub los yuav tau coj yug txiv coj yug tub
Tub nuj xwm aw ncu ntsoov yug tsis muaj kwv muaj tig ncu ntsoov txob moog caum dais raug phom taug dlais ntshaav tsaam thaum dlais tsis tuaj ces luas tas peb sib hlub sib koom rov sib paab moog caum dlais dlais twb rau phom nkaag rua tim haav thaum dlais tuaj ces luas npu luag tug tseg koj nrug dlais sib npuaj sib chua hlaab ces tug roj tug ntshaav yuav ntxaum quas ntxav tuaj rua nruab aav koj yuav quaj yuav hu los huas luas txuj sa luas txhooj twb tsis paab koj kwv koj tig tuaj txug ces tug nqaj lwj dlub ua ncuas nthaav ncu ntsoov thaum yuav tuag los muav muaj kwv muaj tig ua tug paab thaum ho tau ib pawg nyaj ib pawg kub los yuav tau coj yug kwv yug tij nyob ib saab
Xaaj xeeb xaus xi lub ntsis tsawb ua neej nyob ncu ntsoov luas yeej tsis paab koj luas tsuas xav ntsoov yuav txeeb noj ntawm yug teg txeeb ntawm yug taw luas tsuas vaam yug cog qos rua luas khawb koj yuav txawj yuav ntse tsaa tsis los tsis yog luas kwv luas tij luas paab luas pawg luas yeej tsis txhawb