Скачать или смотреть რუსეთი თურქეთის საჰაერო სივრცის დარღვევას უარყოფს

რუსული ავიაგამანადგურებლის მიერ თურქეთის საჰაერო სივრცის დარღვევის შესახებ ანკარის ბრალდებას რუსეთის თავდაცვის უწყება ეხმაურება.

გენერალ-მაიორ იგორ კონაშენკოვის განცხადებით, რუსულ თვითმფრინავს თურქეთის საჰაერო სივრცე არ დაურღვევია. სასაზღვრო გადაცდენა დაფიქსირებული არ არის არც რუსეთის და არც სირიის რადარებზე, რის გამოც თურქული მხარის ბრალდებას რუსეთი პროპაგანდას უწოდებს.

შეგახსენებთ, ანკარამ „სუ 34-ის“ მიერ საჰაერო სივრცის დარღვევის შესახებ განცხადება პარასკევს გააკეთა. ერდოღანი მოსკოვს, საზღვრის განმეორებით დარღვევის შემთხვევაში, შესაბამისი ზომების მიღების შესახებაც აფრთხილებს.

მომხდარ ფაქტს გამოეხმაურა ნატო-ს გენერალური მდივანიც. იენს სტოლტენბერგი რუსეთს მოუწოდებს, პატივი სცეს ნატო-ს საჰაერო სივრცეს და ასევე, მიმართავს მხარეებს, მომავალში ვითარების დეესკალაციისთვის, აღადგინონ ანკარასა და მოსკოვს შორის პირდაპირი დიალოგი.