Скачать или смотреть Ma’rifat yo‘lida sobit qadam ustoz

Boyovut tumanidagi 1-sonli umumta’lim maktabida 45 yildan ortiq vaqt davomida o‘quvchilarga saboq berib kelayotgan tajribali va fidoyi ustoz Qo'zigul Jo'rayeva o‘zining samarali pedagogik faoliyati bilan el-yurt hurmatini qozonib kelmoqda.

Ustozning ko‘p yillik mehnati davomida minglab o‘quvchilar ilm-fan sirlarini o‘rganib, hayotda o‘z o‘rnini topdi. Uning dars jarayonidagi talabchanligi, mehribonligi va kasbiga sadoqati yosh avlodni barkamol etib tarbiyalashda muhim omil bo‘lib xizmat qilmoqda.

Qo‘zigul opa nafaqat bilim beruvchi pedagog, balki o‘quvchilar qalbiga yo‘l topa oladigan, ularni ezgulikka, vatanparvarlikka va insoniy fazilatlarga undaydigan ustoz sifatida ham e’tirof etiladi. U kishining tajribasi va hayotiy saboqlari yosh o‘qituvchilar uchun ham haqiqiy mahorat maktabidir.

Bugun ham ustoz o‘zining sharafli kasbiga sadoqat bilan xizmat qilib, ta’lim sohasida samarali faoliyat olib bormoqdalar.

Boyovut tumani hokimligi Axborot xizmati