HƏR GÜN İÇDİYİMİZ ÇAY BİZƏ NƏLƏR EDİR?

Çay xoşlamayan,çay içməyən insanlar demək olarki çox azdır.Bu səbəbdən süfrələri çaysız təsəvvür etmək mümkün deyil.Bu məqaləmizdə sizlərə hər bir evdə gündəlik istifadə olunan çayların fayda və zərərlərindən sizə bəhs edəcəyik.
Araşdırmalara görə, təbii çay növləri bağırsaq, mədə və ağciyər xərçəngi xəstəliklərinə qarşı qoruyucu təsir göstərir.Tərkibindəki polifenol birləşmələr sayəsində antioksidant təsir göstərərək,orqanizmi xroniki xəstəliklərdən qoruyur.
Təzyiqi aşağı salmaqda kömək edir.Əgər yüksək təzyiqdən şikayətiniz varsa, vaxtaşırı çay içməyiniz məsləhətdir.
Göz qızartısı və göz iltihabını aradan qaldırır. Çayı içəndən sonra, artıq qalan çay tullantısını göz probleminin aradan qalxması üçün istifadə edə bilərsiniz. Bunun üçün beş dəqiqə ilıq suda saxlanılan çay tullantılarını gözün üstünə oyub 10 dəqiqə saxlamaq lazımdır.
Dünyada hər 3 nəfərdən birinin əziyyət çəkdiyi xolesteronu çay içməklə tənzimləmək olar.
Çay həmçinin dişlərin çürüməsinə mane olur.Ağız sağlamlığı üçün xeyirli olan çay ağız boşluğunda yerləşən bakteriyaları öldürür və dişlərin çürüməsinin qarşısını alır. Gündə 3 stəkan çay bu baxımdan xeyirlidir.
Çay diabet riskini azaldır. Çay, eyni zamanda, pəhriz üçün də yaxşı vasitədir, çünki kalorisizdir. Ümumiyyətlə, çayı ya yeməkdən 1-2 saat əvvəl, ya da 1-2 saat sonra qəbul etmək məqsədəuyğundur.Çay qandakı şəkərə qarşı effektivdir – təbii ki bunun üçün çayı şəkərsiz içmək gərəkdir.
Pis ayaq qoxularını da çay vasitəsi ilə aradan qaldıra bilərsiniz.Bunun üçün yarım litr suya iki çay paketini atandan sonra 15 dəqiqə oda qoymaq lazımdır. Sonra həmin suda ayaqları yuyub qurulamaq gərəkdir.
Çayın sidikqovucu təsiri var.
O eyni zamanda konsentrasiyanı və diqqəti artırır.
Damarlarda qan dövranını da tənzimləyir.
Çay ürək sağlamlığı üçün faydalıdır.İnsult və infarkt kimi riskləri minimuma endirir.
Həddindən artıq istehlak edilmədiyi müddətcə,bədən və ruhi yorğunluğu aradan qaldırmağa kömək edir.
Dəridəki uçuqları da çay ilə sağalda bilərsiniz.
Beləki,5 dəqiqə ilıq suda saxlanılan çay tullantısının suyunu sıxdıqdan sonra 10 dəqiqə göynərti hiss olunan yerə qoymaq lazımdır.
Axşam yeməyindən sonra 1-2 stəkan çay əsəbləri sakitləşdirir və rahat yatmağınıza səbəb olur. Ancaq çox içildikdə, əksinə, stress səviyyəsini yüksəldir və yuxunu qaçırır.
Çayın orqanizmə faydaları ilə yanaşı,təbii ki zərərli təsirləri də mövcuddur.
Həddindən artıq çay içmək ürək döyüntülərinin artmasına və təzyiqin yüksəlməsinə səbəb ola bilər.Çayı qaynar içmək olmaz.Temperaturu 65o C-dən yüksək olan çayın içilməsi qida borusunda və daxili orqanlarda termiki yaralar əmələ gətirir ki,bu da onkoloji xəstəliklərin yaranma riskini artırır.
Çay çox istehlak edildikdə baş ağrısı və əsəbilik yaradır.Çaydakı yüksək kofein səbəbindən çox istifadə etmək olmaz.
Çayın həddindən artıq istehlakı qan azlığına səbəb ola bilər.
Hamiləlik dövründə də çay çox istehlak edilməməlidir.
Qaraciyər, böyrək daşı,kəskin mədə xəstəliklərindən,həmçinin revmatizm və yüksək təzyiqdən əziyyət çəkənlərin mümkün qədər az çay içməsi tövsiyə edilir.