DD News Mizoram - Chanchinthar | 18 July 2024 | 6:30 PM

HEADLINES:

1. Larsap Dr Hari Babu Kambhampati chuan Mizoram tana kawngpui pawimawh, Vairengte leh Sairang inkar kawngpui 4 lane-a siam hna, thawh theih loha awm chu a chinfel dan ngaihtuah vat a pawimawh tih a sawi.

2. Chief Minister Pu Lalduhoma hovin karleha Prime Minister hoa neih tur, NITI Aayog Governing Council atana inbautsaihnan, vawiin khan sorkar hotute an inrawnkhawm.

3. Samagra Shiksha hnuaia zirlai naupangten a thlawna zirlaibu an dawn tur ang an la dawn kim loh chungchangah, School Education Minister Dr. Vanlalthlana chuan sawrkar-in theihtawp a chhuah mek tih a sawi.

4. Congress Thalai te chuan vawiin vek khan zirlaibu indaih loh chungchangah Education Minister hi hmuin, a insawifihan chu a fiak tawk lo tih an sawi.

5. Agriculture Minister Pu PC Vanlalruata'n Sawrkar tharin thlai thar hralhna lam a ngaih pawimawh avangin Directorate of Agriculture-ah Marketing Wing changtlung zawk din tura hmalak chhoh mek a ni a ti.

6. Ni thum cham tura Mizoram lo zin, Union Minister of State for Agriculture and Farmers Welfare, Bhagirath Choudhary leh Mizoram BJP President, Pu Vanlalhmuaka ten Mizoram loneitute tihhmasawn dan tur an sawi dun.

7. Mizoram Legislative Assembly a Committee pakhat, Public Accounts Committee te chuan vawiin khan an Chairman Pu Lalchhandama Ralte hovin Kolasib District Fastract Court Building sak mek an tlawh.

8. Dinthar veng chuanhnuai atanga Ebenezer road pawh phei tura kawng sial 'R. Thanglura Road' tih chu tukin khan AMC Dy. Mayor, Pu R. Thanglura, Ward XII Corporator ni bawk chuan a hawng.

9. Joint NGO Chawngte chuan Mizoram Sorkar a Minister pathum te hnena an khawtlang mamawh zualpui ngaih pawimawh sak tura an ngenna in awmzia a neihloh vanga an lungawiloh thu leh thla thar August ni 13 thleng ngaihchan leh a tul chuan na zawka Sorkar nawr an tum thu an sawi.

10. CBI in NEET-UG Exam kaihhnawih thubuaiah AIIMS, Patna-a zirlai 4 te thuzawh fiah turin a hreng.

11. Supreme Court chuan NEET-UG exam kaihhnawih thubuaia dilna hrang hrangte vawiin khan a ngaihtuah.

12. External Affairs Ministry chuan Bangladesh tualchhung buaina avangin India mite chu pawn chhuak tam lo turin a ngen.

13. Justice Nongmeikapam Kotiswar Singh leh Justice R. Mahadevan te chu Supreme Court Judge atan lakluh an ni.

14. External Affairs Minister S. Jaishankar chuan nimin khan Mauritius-ah India siam damdawi man tlawma lei theihna Jan Aushadi Kendra hmasa ber a hawng.

15. Maharashtra-a Gadchiroli leh Chhattisgarh ramri-ah police ten Maoist 12 an kaphlum.

16. Haryana sorkarin Agnipath scheme hnuaia sipaia lak-Agniveer te tan Police leh dept dangah zaa 10 hna a dahsak dawn.

17. Thawhlehni a Karnataka, Uttar Kannada district-a leimin avanga thi chu mi 6 an tling tawh.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram