දැරණියගල උඩමාලිබොඩ වනගත මාර්ගයෙන් සිරිපා උඩ මළුවට | Deraniyagala | Udamaliboda | Sri Padaya

දැරණියගල උඩමාලිබොඩ වනගත මාර්ගය ඔස්සේ සිරිපා උඩමළුවට ගිය පින්සාර සිරිපා කරුණාව.....

සමනල රක්ෂිතය යනු පූජනීය ස්ථානයක් බඳුය. උතුම් බුදු සිරි පතුල පිහිටි සමනොළගිර වන්දනාමාන කිරීමට උචිත උඳුවප් පොහොය සිට වෙසක් පොහොය දක්වා කාලය වාරය (Season) ලෙස හඳුන්වන අතර එය දළ වශයෙන් මාස පහකි. ඉතිරි මාස 7 අවාරය (Off-Season) ලෙස හඳුන්වන අතර ඈත අතීතයේ පටන් පැමිණි සම්ප්‍රදාය වනුයේ එයයි. එය හුදෙක් ආගමක් සම්බන්ධ වූ නියමයක් නොවන්නේ ඒ තුළ පරිසරයේ නියමයන් අන්තර්ගත වී ඇති හෙයිනි. සිරිපා අවාරය වසරේ මාස 7 ක් පවතින්නේ සොබාදම් නියමයට අනුව සමනල රක්ෂිතයේ වටිනාකම වැඩි හෙයිනි.

අවාරේ සිරිපා තරණය කිරීම සැබවින්ම දුෂ්කර හා අවදානම් ගමනකි. මෙහි පවතින දුෂ්කරතා වනුයේ අධික වර්ෂාව සහ මීදුම, වන සතුන් සුලභව ගැවසීම, ගස් කඩා වැටීම්, ක්ෂණික ජල පහරේ වැඩිවීම් සහ කිසිදා මිනිස් වාසයක් හෝ පුද්ගලයෙකු හමුනොවන බැවින් කරදර උපද්‍රව සිදුවීමේදී වන හානිය වැඩිවීමයි.
සිරිපා තරණයට ඇති ප්‍රසිද්ධ මාර්ග තුන වනුයේ හැටන්-නල්ලතන්නිය මාර්ගය, කුරුවිට-එරත්න මාවත සහ ශ්‍රී පලාබද්දල රජ මාවතයි. පැහැදිලිව පඩි මගින් හැටන් සහ රජ මාවත සමන්විත වන අතර කුරුවිට මාර්ගය ස්වභාවික වන පියස තුළ අඩි මාර්ගයක් ලෙස සෑදී ඇති බැවින් සෙසු මාර්ග යුගලයට වඩා දුෂ්කර බවින් සේම සුන්දරත්වයෙන්ද අනූනය. සිරිපා සමය තුළ බහුතරයක් සැදැහැවතුන් යාම්ඊම් සිදුකරනුයේ මෙම මාර්ග තුන හරහා පමණක් වන අතර තරුණ පිරිස් සෙසු අප්‍රධාන මාර්ග පහෙන් මාර්ග තුනක් භාවිත කරනු ලබයි.

ඉන් අප්‍රධාන මාර්ග තුන වනුයේ දැරණියගල - උඩමාලිබොඩ මාර්ගය දෙහෙනකන්ද-මුක්කුවත්ත මාර්ගය, සඳගලතැන්න-රජමාලේ මාර්ගය වේ. නමුත් මෙම ත්‍රිත්වයට අමතරව තවත් අප්‍රධාන මාර්ග දෙකක් ඇත. නමුත් ඒවා හී පවතින දුෂ්කර බව හා අවදානම අතිශය ඉහළ බැවින් ක්‍රියාදාම චාරිකාකරුවන් පවා එම මාර්ග භාවිත නොකරනු ලැබේ. ඒවා නම් බත්තුළුඔය පැරඩයිස්/ දිය ඇලි මාර්ගය, සමනල දුර්ගය මාර්ගය වේ.

සමනල රක්ෂිතය හැඩ කරන මහා කඳු අතර සමනල කන්ද ලංකාවේ උසින් පස්වන ස්ථානයෙහි ලා වැජඹෙන අතර ඊට අමතරව බෑන සමනල හීන් පිදුරුතලාව/ පැදුරුතලාගල කන්ද, කුණුදිය පර්වතය, බල්ල, බැඳිගල, රත්කන්ද, සප්තකන්‍යා කඳුවැටිය, මහ පිදුරුතලාව සහ ගවරවිල කන්ද සමනල රක්ෂිතය වසාගෙන සිටින දැවැන්ත කඳු වේ. මේ අතර සමනල රක්ෂිතයේ ජල උල්පත්වලින් කුලුඳුලේම උපදින ගංගාවන් රාශියක් ඇති අතර ඉන් කළු සහ කැලණි ප්‍රමුඛ වේ. අතීත ජන කවි වහරේ තිබුණද මහවැලි සහ වලවේ ගංගා යනු හෝර්ටන්තැන්නෙන් උපදින මහා ගංගාවන් වන බව අපි මින් පෙර ගවේෂණ මගින් දැනගත්තෙමු. මෙම දියවර නිර්මාණය කරන අලංකාර දියඇලි සමූහයක් තවමත් මිනිස් පහස නොලද ඉසව්වල පවතින නමුත් ඉන් නායගඟේ ඇලි හත, කුණු දිය පව්ව දියඇලි දාමය, වර්ණගල ඇල්ල, මාපලාන ඇල්ල, කූනිස්සන් ඇල්ල, හාල්මැහි ඇල්ල, සීත ගඟුල ඇලි, යකා ඇඬූ ඇල්ල, රජමාලේ ඇල්ල, ගාථමොර් සහ මරේ අැල්ල ශ්‍රීපාද සහ ගවරවිල ඇලි මින් ප්‍රධාන වේ.

ශාක සහ ජෛව විවිධත්වයෙන් අනූන සමනල රක්ෂිතය තුළ කොටියා, අලියා, වල් ඌරා, ගෝනා, මුවා, මීමින්නා, ඉත්තෑවා සහ තවත් අවශේෂ සතුන් වර්ග මෙන්ම ජලාශ සහ උරග විශේෂ ගණනාවක් මෙහි වාසය කරයි. පක්ෂි රජදහනක් වන මෙහි වටිනාකමින් අධික ශාක බහුලව තිබෙන බව නොරහසකි. වල්ලපට්ට, දෝතලු, කටුකිතුල්, බාඳුරා, කඳුලැස්ස, උඩවැඩියා වර්ග ආදී දහසකට අධික ශාක හා පැළෑටි මෙහි කාලගුණික තත්ත්වවලට අනුගත වී වර්ධනය වෙයි.
උ.ගැ 🍁

🚌බස් රථ සහ ප්‍රවාහන මාධ්‍ය
⭕කොළඹින් අවිස්සාවේල්ලට
⭕අවිස්සාවේල්ලෙන් දැරණියගලට - (බස් රථය අවිස්සාවේල්ලෙන් පිටත් වීම 5.00 AM / ගමන් ගාස්තු රු.148.00)
⭕දැරණියගල සිට මාලිබොඩ ටී ෆ්‍රැක්ට්‍රිය අසලට - ( බස් රථය දැරණියගලින් පිටත් වීම 6.30 AM / ගමන් ගාස්තු රු. 135.00)
⭕ මාලිබොඩ ටී ෆ්‍රැක්ට්‍රිය අසල සිට පන්දෙනිය ගමට කුඩා ලොරි රථයක
ලොරි රථය සම්බන්ධ කර ගැනීම සදහා අමතන්න
0769875005 - ජයවීර


✍ Audio Credits
🎶ශ්‍රී පාද පුදබිමේ නිල තේමා ගීතය.ශ්‍රී පාද වන්දනා...
Lyrics -Siri Anuruddha Himi (සිරිපාදේ පොඩිහාමුදුරුවෝ)
Music , mix & Mastering - Dilhara Nandasiri (Tone Fab Studio )
Voice -
Miyuru Somarathne ,Dilhara Nandasiri, Chamara Karunanayake, Gayan Amarasooriya, Thilina Wanninayake , Nalin Ilangarathne ,Vidu Kahapolaarachchi ,Ishara Rajapaksha , Saranga Gunarathne
Boduni Upeksha, Tharushika Jayawardhane
Link -    • Official Theme Song of Sri Padha ශ්‍ර...  

🎶Song - Gilem Obe Guna Moode (ගිලෙම් ඔබේ ගුණ මූදේ)
Original Artist - W.D.Amaradeva
Music - W.D.Amaradeva
Lyrics - Arisen Ahubudu
SANUKA - Live Cover
Link -    • SANUKA - Gilem Obe Guna Moode (ගිලෙම්...  

🎶තුන් සරණේ ගීත
Link -    • 17  තුන් සරණේ  ගීත| thun sarane geetha  

🎶Angel Lover - Chariots of War i
Link -    • Angel Lover - Chariots of War i  

🎶YouTube Audio Library
Link -    • Feels  
Link -    • Resolution  

✍ Thumbnail Editing - Senesh Nagoda Vithana

Subscribe on YouTube : ‪@TourwithGG‬

#SriPadaya #Daraniyagala #Udamaliboda #TourwithGG #GG
‪@TourwithGG‬