金手指｜梁朝偉為林海峰講錯嘢解話：朝早未瞓醒嘛 劉德華自己戲打自己 蔡卓妍戲中裝胸笑搵食艱難

兩大影帝劉德華與梁朝偉相隔廿年再度合作的英皇電影《金手指》，將於12月30日全球同步開畫 。
透露拍攝該片時遇上疫情，但有一班演員好支持。
蔡卓妍（阿Sa）笑言心情好緊張，因為未睇過該片，反而劉德華同梁朝偉已經睇過。談到跟兩位合作好緊張，她笑言拍攝時不太緊張，緊張自己表現更多。談到跟梁朝偉有嘴戲，當笑她成為女士公敵。

阿Sa笑言搵食艱難。提到在戲中要裝胸，她笑指要裝胸作勢，導演莊文強曾揚言叫她應該帶埋個假胸出來宣傳，因為都是一個角色，又指假胸是特技胸，每日需要花幾個小時裝胸。談到戴假胸後可會羨慕大胸女生？她笑說。「我唔羨慕，我自己都有。」

對於跟阿Sa有對手戲的梁朝偉，他笑謂不會不敢低頭望對方，今次演出覺得不太辛苦，不過比起以前的文藝片比較疲倦，因為拍攝時想多一點能量。在旁的劉德華也認同今次演出不辛苦，皆因動作戲不多，但不算拍戲以來最舒服，也有感到壓力，因為想自己有表現，又搞笑謂睇過套戲後都覺得Very good。他說：「其實有幾個版本，相信依家個版本係導演最滿意。我覺得成個片能量好高，拍攝手法好特別。」梁朝偉則謂對該片很滿意，因為自己已盡最大的努力，更自爆今日已為該片連走多場謝票，又認為謝票可以聽下觀眾意見，以往亦在內地曾參與謝票。

談到昨日接受商台節目訪問被林海峰講他演出的電影將 《阿飛與阿基》講錯為《咖哩辣椒》。梁朝偉說：「唔緊要啦！是但，早上未瞓醒嘛！兩部戲類型好似。」談到今次為何不唱主題曲時，梁朝偉與劉德華對望微笑，梁朝偉解釋其實導演曾有提議，不過自己不敢。問到為何不給予鼓勵梁朝偉？劉德華說：「我都唔敢。」

另外，提到劉德華主演的電影《潛行》跟《金手指》對撼。華仔笑言自己也不想，兩間公司投資，但以前也試過自己打自己，希望觀眾會兩部戲也入場收看。

#梁朝偉 #劉德華 #蔡卓妍 #金手指 #星島娛樂