Скачать или смотреть GAANO KABAGSIK SI ABDUL BASIT USMAN?

Tol ang taong ito ang masasabi kong pinakamabagsik na bomb maker sa Mindanao o maging sa buong Pilipinas dahil sa dami ng napaslang ng kaniyang pambobomba o ng likha ng kaniyang mga bomba at likha ng kaniyang mga tinuruan. Nagpalaganap siya ng kaalaman pagdating sa mga iba’t ibang klaseng bomba sa mga militante o bandido gaya ng BIFF at Abu Sayyaf. At mayroon din siyang koneksyon sa international na teroristang kilusan. Sa bagsik niya, mapagtatanto mo na talagang mabigat ang misyon ng SAF 44 o SAF Commandos noong early 2015 kasabay ng target din noon na si Zulkifli Bin Hir alyas Marwan na kapwa niya eksperto sa bomba na may iisang hangarin at ideolohiya. Isa rin siya sa mga dahilan kung bakit muntikan nang hindi paapruba ang awtonomiya ng Bangsamoro sa kanilang rehiyon. Ayon sa pulisya at militar, matigas pa sa bakal at madulas pa sa palos ang teroristang ito na nagresulta pa sa pagkasawi ng maraming sundalo.

Sa Shariff Aguak, Maguindanao ang naging lugar ng kapanganakan ni Ahmad Akmad Batabol Usman noong 1974 – mas kilala bilang Abdul Basit Usman. Ipinanganak siya sa isang pamilyang Moro Muslim sa katimugang Mindanao, kung saan bahagi na ng araw-araw na buhay ang tradisyon ng Islam at ang tunggalian ng mga rebeldeng Moro at gobyerno. Bata pa lamang si Usman ay nasaksihan na niya ang hindi matatapos-tapos na alitan sa kanilang rehiyon, isang realidad na unti-unting humubog sa kanyang kamalayan. Lumaki siyang taglay ang pananampalataya ng kanyang pamilya, subalit binalot din ng galit at paghihimagsik ang kanyang kalooban dahil sa karahasang nakapaligid sa kanya. Ang pagkakaroon ng kapatid na isang ustadz o guro sa relihiyon sa hanay ng MILF (Moro Islamic Liberation Front) ay posibleng nagbigay rin ng impluwensiyang pang-ideolohiya sa kanya. Sa pagtungtong sa hustong gulang, nagkaroon ng kakayahang makipagsapalaran sa ibang bansa si Usman. Sa paghahangad ng mas magandang oportunidad, nagtrabaho siya bilang overseas Filipino worker (OFW) sa bansang Pakistan. Subalit sa halip na payapang trabaho, tila mas malalim na misyon ang natagpuan niya roon. Sa lupain ng Pakistan – malapit sa mga pinagkukutaan ng mujahideen – nahasa ang kanyang isipan sa ideolohiya ng jihad. Ayon sa mga ulat, mismong inamin ni Usman na nagsanay siya sa paggawa ng bomba at taktika ng terorismo sa Pakistan. Sa panahong ito maaaring nagsimula ang kanyang radikalisasyon: mula sa simpleng manggagawa ay unti-unti siyang nahatak ng ekstremistang kaisipan.

True Crime Tagalog | Tagalog Crime Stories