《月傾會》EP12 丁子朗最想同古天樂演《大叔的愛》18歲初戀拍過3次拖 選港男前係四眼宅男 自爆追過同劇女拍檔

‪@boxchannel7957‬ 今個月《月傾會》又嚟喇！今次林柏希請來男神丁子朗（Karl）！2016年參選港男入行嘅丁子朗，竟然話完全唔覺得自己靚仔，仲話參選港男前，喺加拿大讀書嘅佢，係一個四眼宅男薯仔，「我以前真係好平凡，戴眼鏡好薯仔，的確佢（TVB）簽我返嚟都話唔好睇，純粹貪我個樣夠親切，似隔離師奶個仔！」

入行6年，問丁子朗有冇邊一次，覺得自己做得唔夠好？「嘩，好多呀！有個好挫敗，我同阿姐（汪明荃）做一廠司儀，我真係唔記得咗叫咩名，係一個粵劇頒獎禮，我係不斷NG，啲writer話丁子朗再讀過，全場一廠觀眾、阿姐、評判，所有人等我NG，全世界望住我，我已經出晒汗唔知點算，好大挫敗感，我直頭諗緊我係咪啱做司儀，但阿姐好好，你唔得我幫你講埋佢啦，我真係喊出嚟！」

當刻最大目標，丁子朗話最想做到受觀眾認同嘅男一，「其實唔同範疇都想試下，《尚氣》我之前都cast過㗎！我最後睇返Simu Liu（劉思慕）個訪問，佢講返佢cast嗰段戲，段對白係exactly我講過，原來我同佢cast嘅一模一樣！嗰陣時喺美國啦、北京上海香港都有搵人去cast，1000個搵一個去！」

講到愛情生活，25歲丁子朗話18歲初戀開始，至今拍過三次拖，佢話自己唔算係一個稱職男友，「我依家25歲啫，三次（拖）都算差唔多啦！我覺得自己當然唔係一個稱職男友啦，衰在真係時間上同埋心機上！」佢搞笑咁話，「我比較prefer圈外人，因為我覺得圈內人成日大家都知道大家啲通告，好似冇乜privacy，哈哈哈！」至於緋聞女友林宣妤，佢就話：「都係一個好朋友嘅階段，大家都係好好認識嘅！」

去到重頭環節《大膽答 冇膽食》，今次預備咗檸檬同重口味酸糖，俾最怕食酸嘢嘅丁子朗做懲罪食物！問丁子朗拍過三次拖，喊得最勁嘅一次？佢直接答：「即刻答到俾你聽！嗰次鬧交分手，我返到屋企好似悲劇男主角，燈都唔開，自己一個坐咗喺地下度喊，諗返起當時幾美好嘅回憶，一路坐喺度喊！我覺得呢啲係偶像劇先會發生嘅事，原來真人真係會發生㗎喎！」

成日晒肌，深得同志歡心嘅丁丁，坦言話收過唔少裸照！問佢如果開拍BL劇，想搵邊個做對手？「古天樂囉，《大叔的愛》咁樣，哈哈哈，古天樂都真係幾好呀，佢由後生靚到依家，青靚白淨又係靚仔，到依家古銅色皮膚又係靚仔，真係冇得輸！」

再問到丁丁，究竟有冇追過圈中女星？有冇女星主動向佢投懷送抱？《森美旅行團》係咪堅係全裸除晒？想知佢點講，即刻去片呀！

訂閱盒子YT頻道同步睇片：https://bit.ly/3bGumqp

#盒子 #boxchannel #月傾會 #丁子朗 #港男 #尚氣 #男神 #初戀 #古天樂 #大叔的愛 #裸照 #森美旅行團 #TVB #余德丞 #女星 #電視 #香港 #娛樂

-----------------------
記得follow晒呀
FB：https://bit.ly/2WlzyYF
YT：https://bit.ly/3guXGz0
IG：https://bit.ly/3n0YIHg