Скачать или смотреть ભરૂચમાં

ભરૂચ, તા.16-02-2026

ભરૂચના વેજલપુર બંબાખાના વિસ્તારમાં ઉંચી પાણીની ટાંકી તથા પંપ રૂમના બાંધકામ માટે કલેક્ટર કચેરીને મળેલી દરખાસ્ત બાદ નગરપાલિકાને ફાળવાયેલી જમીન મામલે ભારે વિવાદ ઊભો થયો છે આ જમીન ઈદગાહની હોવાનો દાવો કરી ઈદગાહ વકફ ટ્રસ્ટ તથા મુસ્લિમ સમાજના આગેવાનો દ્વારા જિલ્લા કલેકટરને આવેદનપત્ર પાઠવી આ દરખાસ્ત રદ્દ કરી જમીન પરત આપવાની ઉગ્ર માંગ કરી છે.

ઈદગાહ વકફ ટ્રસ્ટના આગેવાનો તેમજ આ વિસ્તારના કબ્રસ્તાનના સંચાલકો સહિત મુસ્લિમ અગ્રણીઓએ ભરૂચ જિલ્લા કલેક્ટર કચેરી ખાતે મોટી સંખ્યામાં એકત્ર થઇને આવેદનપત્ર પાઠવ્યું હતુ. જેમાં જણાવ્યા મુજબ વોર્ડ નં. 5 અને સી.એસ. નં. 1506 હેઠળ આવેલી અંદાજે 2977 ચો.મી જમીન નગરપાલિકાને ફાળવવા માટે કલેકટર કચેરી દ્વારા હુકમ કરવામાં આવ્યો છે
અને જમીનની કિંમતના 10 ટકા મુજબ રૂ. 38,70,100 ભરપાઈ કરી આગોતરો કબજો સોંપવાની પ્રક્રિયા હાથ ધરાઈ છે જોકે આ હુકમનો મુસ્લિમ સમાજે સખ્ત વિરોધ નોંધાવ્યો છે આ જમીનનો ઈતિહાસિક રેકોર્ડ મુજબ વર્ષ 1875 પૂર્વેથી તેનો ઉપયોગ કબ્રસ્તાન તરીકે થતો આવ્યો છે અને જૂના સર્વે રેકોર્ડ તેમજ પ્રોપર્ટી કાર્ડમાં પણ કબ્રસ્તાન તરીકે નોંધાયેલ છે તેમજ 1975-76 ના રીવિઝન સર્વેમાં નવા સી.એસ. નં. 1506 તરીકે નોંધ થયા બાદ પણ સરકાર દફતરે તે કબ્રસ્તાન તરીકે જ બોલે છે મહેસૂલી કાયદા મુજબ કબ્રસ્તાન અથવા સ્મશાન માટેની જમીનનું અન્ય હેતુ માટે ફાળવણી કે વેચાણ થઈ શકતું નથી તેમ રજૂઆતમાં ઉલ્લેખ કરાયો છે વધુમાં ટ્રસ્ટના જણાવ્યા અનુસાર હાલ આ જમીનનો વહીવટ ઈદગાહ વકફ ટ્રસ્ટ કરે છે અને બાજુમાં આવેલી જમીન પર ઈદગાહ હોવાથી ત્યાં ઈદુલફિત્ર અને બકરીઈદ સહિતના તહેવારો દરમિયાન હજારો લોકો નમાજ અદા કરે છે ઉપરાંત જનાજાની નમાજ અને પાર્કિંગ તેમજ ધાર્મિક પ્રસંગોમાં પણ આ જગ્યા ઉપયોગમાં લેવાય છે આસપાસ 18 થી વધુ કબ્રસ્તાનો આવેલા છે અને નજીક જ જિલ્લા ન્યાયાધીશ બંગલો તેમજ કલેકટર બંગલો અને એસ.પી કચેરી આવેલ હોવાથી જો અહીં બાંધકામ થશે તો પાર્કિંગની સમસ્યા ઉભી થશે અને ટ્રાફિક અવરોધની શક્યતા રહેશે આ જમીન ચેરીટી કમિશનર કચેરી તથા ગુજરાત વકફ બોર્ડ ખાતે પણ નોંધાયેલ હોવાનો દાવો કરવામાં આવ્યો છે અગાઉ ટ્રસ્ટો દ્વારા વાંધો ઉઠાવવામાં આવ્યો હોવા છતાં પ્રશ્નનો ઉકેલ ન આવતા ફરી રજૂઆત કરાઈ છે જો જમીન ફાળવણીનો હુકમ રદ્દ નહીં થાય તો સમાજની લાગણી દુભાશે અને શહેરના શાંતિપૂર્ણ વાતાવરણ પર અસર પડી શકે છે અને અંતે તેમણે હાઈકોર્ટમાં કાનૂની લડત લડવાની પણ ચીમકી ઉચ્ચારી છે આમ મુસ્લિમ સમાજે કલેકટરને તાત્કાલિક અસરથી ફાળવણી રદ કરી આગળની કાર્યવાહી સ્થગિત કરવાની માંગ કરી છે ત્યારે તંત્ર શું નિર્ણય લે છે તે હવે જોવું રહ્યું.
#bharuchcity
#ankleshwar
#news
#brekingnews