Скачать или смотреть ডুমডুমাত উপস্থিত মাজুলীৰ শ্ৰী শ্ৰী দক্ষিণপাট সত্ৰৰ সত্ৰাধিকাৰ শ্ৰীশ্ৰী ননীগোপাল দেৱ গোস্বামী

Slug - সদৌ তিনিচুকীয়া জিলা ছাত্ৰ সন্থাৰ উদ্যোগত ডুমডুমাত অনুষ্ঠিত সদৌ অসম ভিত্তিত ভাওনা প্ৰতিযোগিতাৰ সফল সামৰণি ।


V/O - "ভাওনা হ'ল মানৱৰ শাৰীৰিক আৰু মানসিক কৌশল পূৰ্ণ বিকাশৰ এনে এক চৰম আৰু অনন্য সাৰ্থক সৃষ্টি য'ত সকলো জীৱৰে পৰমাৰ্থিক গতি নিৰ্ণায়ক ৰচনাত্মক ক্ৰিয়া বিশেষ।" ------- এই মন্তব্য মাজুলীৰ শ্ৰী শ্ৰী দক্ষিণপাট সত্ৰৰ সত্ৰাধিকাৰ শ্ৰীশ্ৰী ননীগোপাল দেৱ গোস্বামীৰ। সদৌ তিনিচুকীয়া জিলা ছাত্ৰ সন্থাৰ উদ্যোগত, ডুমডুমা আঞ্চলিক ছাত্ৰ সন্থাৰ আতিথ্যত আৰু ডুমডুমাবাসীৰ সহযোগত ডুমডুমা নগৰ খেলপথাৰত যোৱা ১১ অক্টোবৰৰ অনুষ্ঠিত হোৱা সদৌ অসম ভিত্তিত ভাওনা প্ৰতিযোগিতাৰ আজি সন্ধিয়া অনুষ্ঠিত ধৰ্মালোচনী সভা উদ্বোধন কৰি বিশিষ্ট বৈষ্ণৱ ধৰ্মগুৰু গৰাকীয়ে এই মন্তব্য আগবঢ়ায়। তেখেতে আৰু কয় যে ভাওনা বিশ্বৰ সৰ্বশ্ৰেষ্ঠ আধ্যাত্মিকতাৰ সোপান সমৃদ্ধ ৰঙ্গমঞ্চ কলা য'ত মহাপুৰুষজনাই বৈষ্ণৱ ধৰ্মৰ চাৰি বস্তু - নাম, ধাম, ধ্যান আৰু লীলাক ভকতৰ ভাৱনাত প্ৰতিষ্ঠা কৰিবলৈ প্ৰয়াস কৰিছিল।
সদৌ তিনিচুকীয়া জিলা ছাত্ৰ সন্থাৰ সভাপতি প্ৰতীম নেওগৰ সভাপতিত্বত অনুষ্ঠিত সভাখনৰ আৰম্ভণিতে অভ্যৰ্থনা সমিতিৰ সভাপতি মৃগেন শইকীয়াই আদৰণি ভাষণ প্ৰদান কৰে। বৃহত্তৰ ডুমডুমা অঞ্চলৰ এহেজাৰগৰাকী মহিলাই দিহা নাম পৰিবেশন কৰি এক আধ্যাত্মিক পৰিৱেশৰ সৃষ্টি কৰে।
ভাওনা প্ৰতিযোগিতা উপলক্ষে প্ৰকাশ দত্ত, দেবেন ডেকা আৰু অভিজিৎ খাটনিয়াৰৰ সম্পাদনাত প্ৰকাশিত স্মৃতিগ্ৰন্থখনি উন্মোচন কৰে সদৌ অসম ছাত্ৰ সন্থাৰ সাংস্কৃতিক সম্পাদক বিতোপন শৰ্মাই।
এই সভাতে প্ৰতিযোগিতাৰ বিচাৰকসকলক সম্বৰ্ধনা জনোৱাৰ লগতে বিজয়ীসকলৰ মাজত বঁটা বিতৰণ কৰা হয়। তদুপৰি প্ৰতিযোগিতাখনি সুচাৰুৰূপে অনুষ্ঠিত কৰাৰ বাবে সকলো ব্যৱস্থাপনা সুন্দৰকৈ কৰি দিয়াৰ বাবে ডুমডুমাৰ বাপী চৰকাৰকো সদৌ তিনিচুকীয়া জিলা ছাত্ৰ সন্থাৰ তৰফৰ পৰা সম্বৰ্ধনা জনোৱা হয়। সভাত সদৌ অসম ছাত্ৰ সন্থাৰ সহকাৰী সম্পাদক সমৰজ্যোতি গোঁহাই, কেন্দ্ৰীয় কাৰ্যনিৰ্বাহক জিতেন্দ্ৰ চুতীয়া, ডুমডুমা মহাবিদ্যালয়ৰ অধ্যক্ষ ডঃ কমলেশ্বৰ কলিতা, প্ৰমূখ্যে কেইবাগৰাকীও বিশিষ্ট ব্যক্তিয়ে অংশগ্ৰহণ কৰে।

বাইট -