Скачать или смотреть "თი-ბი-სი ბანკში" არ ადასტურებენ ინფორმაციას სადაზღვევო კომპანია "კოპენბურგის" ყიდვის შესახებ

ჯერჯერობით, არ დასტურდება მედიაში გავრცელებული ინფორმაცია იმასთან დაკავშირებით, რომ "თი-ბი-სი ბანკი" სადაზღვევო კომპანია "კოპენბურგს" ყიდულობს. "თი-ბი-სი ბანკში" "ეკონომეტრს" არ დაუდასტურეს აღნიშნული გარიგების შესახებ, თუმცა, განუცხადეს, რომ "თი-ბი-სი" ჯგუფში, მიმდინარეობს მსჯელობა სადაზღვეო კომპანიის შექმნის თაობაზე. აღნიშნული გარიგების შესახებ კომენტარს არ აკეთებენ დაზღვევის სახელმწიფო ზედამხედველობის სამსახურშიც.

მათი თქმით, სამსახურში, ჯერჯერობით, აღნიშნული გარიგების შესახებ ოფიციალური განცხადება არ შესულა. "ეკონომეტრი" დაინტერესდა, ითვლება თუ არა კომერციული ბანკის არაპროფილურ აქტივად სადაზღვეო კომპანია და რა შედგს მოიტანს ფინანსური სექტორის განვითარებისთვის დაზღვევის ბიზნესით, კომერციული ბანკების მზარდი დაინტერესება.

არსებული კანონმდებლობით, სადაზღვევო სფერო საფინანსო სექტორს განეკუთვნება და ამდენად, დღეს არსებულ რეგულაციასთან წინააღმდეგობაში არ მოდის.

ეკონომისტთა და სადაზღვევო სფეროს სპეციალისტთა ნაწილის აზრით, ბანკის მიერ სადაზღვევო ბიზნესის ფლობა არ წარმოადგენს პრობლემას დაზღვევის სფეროსთვის, ნაწილის თქმით კი, უმჯობესია, თუ კომერციული საქმიანობა და დაზღვევის ბიზნესი, გამიჯნული იქნება ერთმანეთისგან და ბანკები ძირითადად ბიზნესების დაკრედიტებით იქნებიან დაკავებულნი.

ამავე დროს, მიაჩნიათ, რომ შესამუშავებელია შესაბამისი რეგულაციები, რომელთა მიხედვითაც, მომხმარებელი დაცული იქნება და მიიღებს სრულფასოვან მომსახურებას, როგორც ბანკის, ისე სადაზღვევო კომპანიისგან.