Скачать или смотреть WALIOJARIBU KUMTEKA TARIMO WAKAMATWA, WALISIKIKA WAKISEMA..

Vijana wanane waliokula njama kumteka mfanyabiashara Deogratus Tarimo mwezi uliopita,wamekamatwa,Jeshi la Polisi Kanda Maalumu ya Dar es Salaam limeeleza.

Jaribio la kutekwa Tarimo lilitokea Novemba 11,2014 Kiluvya jijini Dar es Salaam ambapo kupitia video iliyosambaa mitandaoni walioonekana vijana wanne wakimlazimisha Tarimo kuingia kwenye gari aina ya Toyota Raum huku Tarimo akipaza sauti kuomba msaada.

Hata hivyo watekaji kupitia video hiyo ambao tayari walimfunga pingu Tarimo mkono mmoja walisikika wakimbwania twende gogoni.

Kufuatia tukio hilo Jeshi la Polisi lilisema linafanya uchunguzi na leo Desemba 4,2014 Kamanda wa Polisi Kanda Maalumu ya Dar es Salaam Jumanne Muliro kupitia taarifa yake kwa umma amedhibitisha wahusika wa tukio hilo kukamatwa.


"Watuhumiwa hao wamekamatwa kwa nyakati tofauti Dar es salaam, Songea Ruvuma na eneo la Mbingu Mlimba Morogoro.

Pia lilipatikana gari aina ya Toyota Raum ambayo ilitumiwa wakati wa tukio hilo huku ikitumia namba isiyo halisi T 237 EGE na baada ufuatiliaji namba halisi ya gari hiyo ni T237 ECF,"imeandikwa kupitia taarifa ya Jeshi la Polisi.

Kupitia taarifa hiyo watuhumiwa wanne waliojaribu kumteka Tarimo ni Bato Bahati Tweve, Bondia(32) mkazi wa Kimara Bunyokwa na Songwe Mbozi, Yusuph Abdallah (32) mkazi wa Mbingu - Mlimba Morogoro

Wengine ni Fredrick Juma (31) mkazi wa Kibamba Nelson Elimusa @msela, Dereva Tax miaka 24, mkazi wa Mbezi Luguluni na Benk Daniel Mwakalebela@tall mwenye miaka 40, mkazi wa Mbezi Makabe na Kyela Ipinda.