Скачать или смотреть Մեր թաղը #30 Դարակերտ | Հովհաննես Երանյան

Դարակերտ գյուղն ընդամենը մի քանի կիլոմետր է հեռու մայրաքաղաք Երևանից։ Ժամանակին այն եղել է Երևանի Շահումյան շրջանի կազմի մեջ։ Հիմա Արարատի մարզի մաս է համարվում։ Գյուղի կողքին մեկ այլ գյուղ է` Նորաբացը, բայց արձակագիր Հովհաննես Երանյանը նկատում է, որ երկու գյուղերի անունները կարծես «թարս» ընտրված լինեն, որովհետեւ Դարակերտ համայնքն ընդամենը 70-80 տարվա պատմություն ունի, մինչդեռ անվանումը նշանակում է «դարերից կերտված», իսկ Նորաբացը առնվազն 300 տարվա պատմությամբ գյուղ է։

Դարակերտի բնակչությունը հիմնականում ձևավորվել է 1946 թվականի մեծ ներգաղթից, երբ սիրիահայերի մեծ հոսք եկավ հայրենիք։ Նրանց մի ստվար հատված հաստատվեց Դարակերտ համայնքում։ Այդ մարդկանց հատկապես առաջին սերունդները քրդախոս էին, հայերենի չէին տիրապետում, սակայն հիմա քրդերենի տիրապետող շատ քիչ մարդ է հնարավոր գտնել այստեղ։

Բնակչության մյուս մասն էլ Նախիջևանից տարիներ շարունակ հեռացող հայերն են, ինչպես նաև Շիրակի և Սյունիքի մարզից եկածները։ Գյուղում նաև 2 իրանահայ ընտանիք կա, որոնցից մեկն էլ հենց Հովհաննես Երանյանի ընտանիքն է։

Դարակերտ գյուղի հողային հարստությունների մասին խոսելիս Հովհաննես Երանյանը նշում է, որ Հայաստանում առկա 6 տարբեր կարգերի հողերից էլ գյուղն ունի։

Գյուղի տարածքում խորհրդային տարիներին տանձենիների և խնձորենիների հսկայական այգի է եղել։ Այգին այնքան մեծ էր, որ ժամանակի երեխաները այն «անտառ» էին անվանում, իսկ բերքի սառեցման համար նախատեսված սառնարանը հանրապետության ամենամեծ սառնարաններից մեկն էր։ Բացի գյուղատնտեսական նշանակությունից` այգին նաև երեխաների ամենասիրելի վայրերից է եղել խաղալու, վազվզելու, այգեգողություն անելու համար։ Իհարկե բերքի հասունացման շրջանում նույն այդ երեխաները, սկսած 10-11 տարեկանից, օգնել են ծնողներին, աշխատել այգում, որպեսզի գերակատարեն պետության կողմից սահմանված աշխատանքային պլանը։

Ցավոք` անկախության առաջին տարիներին այգին վերացվել է խնամելու ռեսուրսների սղության պատճառով...

«Մեր թաղը» հաղորդաշարը նվիրված է Հայաստանի տարբեր քաղաքների թաղերին ու բակերին: Ամեն հաղորդման ընթացքում ճանաչված մարդիկ պատմում են իրենց թաղի, այդտեղ ապրող մարդկանց, նրանց նիստուկացի մասին` վերհանելով մարդու ու միջավայրի կապը և ցուցադրելով քաղաքային միջավայրի փոփոխությունը: Հաղորդման հերոսը ոչ թե մարդն է, այլ այդ մարդու պատմությունը իր թաղի մասին:

Շարքի մյուս թողարկումները կարող եք դիտել այստեղ՝ https://bit.ly/3WwXOE5

#Դարակերտ #Հովհաննեսերանյան

© Բուն TV
Web: http://boon.am/
Facebook:   / boontvofficial  
Telegram: https://t.me/boon_tv
Instagram:   / boon_tv  
TikTok:   / boon_tv  
LinkedIn:   / boon-tv-official