Скачать или смотреть GUJARATMITRA CHARCHAPATRA 13-10.2021 ગાયન , વાદન અને નૃત્ય

ચર્ચાપત્ર : વિષય : ગાયન વાદન અને નૃત્ય

વિવિધ કળાઓ માની મુખ્ય ત્રણ વધારે પ્રચલિત કળાઓ ગાયન વાદન અને નર્તન (અથવા નૃત્ય) છે અને સામાન્ય રીતે આ કળાઓ નાં કલાકારોનું માન અથવા કહો કે પ્રભાવ પણ ઉપર લખવામાં આવેલા ક્રમાનુસાર જ કળા જગત અને સમાજ માં રહેતો આવ્યો છે. પણ જો વિચારીએ કે આ બધા માં કઈ કળા સ્વતંત્ર રીતે વ્યક્ત થઈ શકે અને કઈ કળાની અભિવ્યક્તિ માટે બીજી કળા નો સાથ લેવો અનિવાર્ય છે. તો જરૂર કહેવું જોઈએ, કે ગાયન વાદક કળાકારો નાં સાથ વગર મંચ પર અથવા શ્રાવ્ય માધ્યમ પરથી વ્યક્ત થવું અશક્ય છે. કઈ નહીં તો તાનપૂરો (અથવા હાલનાં ચલણ મુજબ વિજાણું તાનપુરો) અને વાદન માં પણ તાલ વાદ્યો નો ઉપયોગ અનિવાર્ય છે, પછી તે ભારતીય શાસ્ત્રીય કંઠ્ય ગાન હોય કે પાશ્ચાત્ય ગાન હોય. કે પછી ફિલ્મી ગાન માં વાદ્ય સંગીત થી તૈયાર થયેલો કરાઓકે ટ્રેક હોય. વાદ્ય સંગીત માં પણ સામાન્ય રીતે તાલ વાદ્યો અને વાદકો અન્ય વાદ્યો ની સરખામણી માં થોડા ઉતરતા ક્રમે ગણવાનું પ્રચલન છે કારણ કે તાલ વાદ્યો સ્વતંત્ર આઇટમ લગભગ નથી આપી શકતા. હા પ્રસિદ્ધ તબલા વાદક અલ્લારખા, જેમણે એ આર કુરેશી નામથી કેટલીક ફિલ્મો માં સંગીત પણ આપ્યું છે, તેમની જાણીતી ગ્રામોફોન કંપનીએ ઇન્ડિયન ડ્રમ્સ નામની લોંગ પ્લે રેકોર્ડ બહાર પડી હતી. અને તાલ વાદ્યો સિવાયનાં વાદ્યો નાં કળાકારો તાલ વાદકો નાં અનિવાર્ય સાથ વડે જ પોતાની રચના રજૂ કરતા હોય છે , પછી તે ગીત ની ધૂન હોય કે સ્વતંત્ર ધૂન હોય. હવે નર્તન કળા ની વાત કરીએ તો તેમાં ખાસ કરીને દક્ષિણ ભારતીય નૃત્ય શૈલી માં ગાયન નો સાથ અનિવાર્ય મનાયો છે પણ સાથે કોઈ પણ નૃત્ય માં તાલ વાદ્યો સહિત અન્ય ઓછા માં ઓછું એક મુખ્ય વાદ્ય ની અનિવાર્યતા હોય જ છે.
આકાશવાણી ની વિવિધ ભારતી રાષ્ટ્રીય સેવા અને તેના સુરત સહિત સ્થાનીય કેન્દ્રો શાસ્ત્રીય અને ફિલ્મ સંગીત નાં વાદક કલાકારો નાં પ્રદાન ને તેમનાં વિષે પોતાનાં પ્રવક્તાઓ દ્વારા અને આવા કલાકારો ની રેડિયો મુલાકાતો દ્વારા સુંદર માહિતી પિરસતા રહ્યા છે.
નાનપુરા સુરત. પિયુષ મહેતા.