Скачать или смотреть SILINDE AWATOA HOFU WAKAZI WA MANGA MIKOCHENI UJENZI WA BWAWA LA UMWAGILIAJI KOROGWE

Naibu Waziri wa kilimo Mhe. David Silinde amewataka wakazi wa Manga Mikocheni Tarafa ya Mombo Kata ya Mkomazi wilayani Korogwe kutokuwa na hofu juu ya ujenzi wa bwawa la umwagiliaji huku akiwahakikishia Serikali itawalinda kwa kuwapa stahiki zao muhimu kwa kuzingatia haki.

Silinde amesema lengo la Serikali ni kuhahakisha wanannchi wanapiga hatua katika maendeleo na si kuwaangamiza.

" Niwathibitishie eneo lenu tutalifidia wote wanaoathirika kwenye mradi tutachukua majina yenu na ukubwa wa maeneo yenu na tutawapa kama yalivyo" alisema Silinde

Aidha Silinde amewataka viongozi wa Mkoa, Halmashauri , Kata na kijiji kuendelea kutoa elimu juu ya mradi huo ili Wananchi waweze kutambua manufaa ya mradi pindi utakapokamilika.

Serikali imetoa kiasi cha shilingi bilioni 18.4 kwa ajili ya utekelezaji wa mradi wa bwawa la umwagiliaji katika kijiji cha Manga Mikocheni wilayani Korogwe ambao unatajwa kuanza mwaka wa fedha wa 2023/2024.

Imeandaliwa na Emma Kigombe, Ofisi ya Mkuu wa Mkoa wa Tanga.

Mwisho