Скачать или смотреть SERIKALI KUJA NA RUNGU LA WAAJIRI WASIOJISAJILI NA KUPELEKA MICHANGO WCF WAKIUMIA KAZI FIDIA HAKUNA

Waziri wa Nchi – Ofisi ya Waziri Mkuu, Kazi, Vijana, Ajira na Wenye Ulemavu, Ridhiwani Kikwete, amesema Serikali inaendelea kupokea mapendekezo ya jinsi rahisi ya kuwashughulikia Waajiri ambao hawajajisajili na wanachelewa kupeleka michango Wafanyakazi wao kwakuwa wanakwamisha jitihada za Serikali katika kuhakikisha kuwa Wafanyakazi wanakuwa na uhakika wa kipato pale wanapopata ulemavu kutokana na ajali au magonjwa yanayotokana na kazi, au kwa Wategemezi wao iwapo Mfanyakazi atafariki kwa ajali au ugonjwa unaotokana na kazi.

Waziri Ridhiwani amesema hayo Jijini Arusha wakati wa ufunguzi wa kikao kazi baina ya Majaji wa Mahakama ya Rufani Tanzania na Mfuko wa Fidia kwa Wafanyakazi (WCF) ambapo amewahakikishia Majaji hao kuwa mapendekezo wanayotoa ya uboreshaji wa sheria yanapokelewa na kufanyiwa kazi.

Kwa upande wake Jaji Mkuu wa Tanzania, Prof. Ibrahim Juma ameupongeza Mfuko wa Fidia kwa Wafanyakazi (WCF) kwa kuendelea kutafuta maoni kuhusu sheria inayoisimamia Mfuko huo ili kuboresha utoaji wa fidia kwa Wafanyakazi na amewahimiza Majaji wa Mahakama ya Rufani Tanzania kuendelea kutoa ushauri wa kisheria utakaosaidia kufanyika kwa maboresho ya sheria Fidia kwa Wafanyakazi (WCF) na hivyo kuongeza tija na ufanisi kwenye mnyororo wa utoaji haki kwa Wafanyakazi wanaopata madhila kutokana na kazi.

Nae Mkurugenzi Mkuu wa WCF, Dkt. John Mduma amesema kwamba ushirikiano baina ya Mfuko huo na Mahakama ya Tanzania umechangia katika maboresho kadhaa kuhusu Sheria ya Fidia kwa Wafanyakazi ambapo pia michango ya Majaji imehusika.