Скачать или смотреть zamana aaya hai be hijabi ka | Allama iqbal shayari explanation [ kulliyate Iqbal ] Urdu/hindi

زمانہ آیا ہے بے حجابی کا، عام دیدارِ یار ہو گا
سکُوت تھا پردہ دار جس کا، وہ راز اب آشکار ہوگا
گزر گیا اب وہ دَور ساقی کہ چھُپ کے پیتے تھے پینے والے
بنے گا سارا جہان مے‌خانہ ، ہر کوئی بادہ خوار ہو گا
کبھی جو آوارۂ جُنوں تھے، وہ بستیوں میں پھر آ بسیں گے
برہنہ پائی وہی رہے گی، مگر نیا خارزار ہو گا
سُنا دیا گوشِ منتظر کو حجاز کی خامشی نے آخر
جو عہد صحرائیوں سے باندھا گیا تھا، پھر اُستوار ہو گا
نکل کے صحرا سے جس نے روما کی سلطنت کو اُلٹ دیا تھا
سُنا ہے یہ قُدسیوں سے مَیں نے، وہ شیر پھر ہوشیار ہو گا
کِیا مرا تذکرہ جو ساقی نے بادہ خواروں کی انجمن میں
تو پیرِ میخانہ سُن کے کہنے لگا کہ منہ پھٹ ہے، خوار ہو گا
دیارِ مغرب کے رہنے والو! خدا کی بستی دکاں نہیں ہے
کھرا جسے تم سمجھ رہے ہو، وہ اب زرِ کم عیار ہو گا
تمھاری تہذیب اپنے خنجر سے آپ ہی خود کُشی کرے گی
جو شاخِ نازک پہ آشیانہ بنے گا، ناپائدار ہو گا
سفینۂ برگِ گُل بنا لے گا قافلہ مُورِ ناتواں کا
ہزار موجوں کی ہو کشاکش مگر یہ دریا سے پار ہو گا
چمن میں لالہ دِکھاتا پھرتا ہے داغ اپنا کلی کلی کو
یہ جانتا ہے کہ اس دِکھاوے سے دل جلوں میں شمار ہو گا
جو ایک تھا اے نگاہ تُو نے ہزار کر کے ہمیں دکھایا
یہی اگر کیفیت ہے تیری تو پھر کسے اعتبار ہو گا
کہا جو قُمری سے مَیں نے اک دن، یہاں کے آزاد پا بہ گِل ہیں
تو غُنچے کہنے لگے، ہمارے چمن کا یہ رازدار ہو گا
خدا کے عاشق تو ہیں ہزاروں، بنوں میں پھِرتے ہیں مارے مارے
میں اُس کا بندہ بنوں گا جس کو خدا کے بندوں سے پیار ہو گا
یہ رسمِ بزمِ فنا ہے اے دل! گناہ ہے جنبشِ نظر بھی
رہے گی کیا آبرُو ہماری جو تُو یہاں بے قرار ہو گا
میں ظُلمتِ شب میں لے کے نکلوں گا اپنے درماندہ کارواں کو
شررفشاں ہوگی آہ میری، نفَس مرا شعلہ بار ہو گا
نہیں ہے غیر از نمود کچھ بھی جو مدّعا تیری زندگی کا
تو اک نفَس میں جہاں سے مِٹنا تجھے مثالِ شرار ہو گا
نہ پُوچھ اقبالؔ کا ٹھکانا، ابھی وہی کیفیت ہے اُس کی
کہیں سرِ رہ گزار بیٹھا ستم کشِ انتظار ہو گا


zamāna aayā hai be-hijābī kā aam dīdār-e-yār hogā

sukūt thā parda-dār jis kā vo raaz ab āshkār hogā

guzar gayā ab vo daur saaqī ki chhup ke piite the piine vaale

banegā saarā jahān mai-ḳhāna har koī bāda-ḳhvār hogā

kabhī jo āvāra-e-junūñ the vo bastiyoñ meñ aa baseñge

barahna-pā.ī vahī rahegī magar nayā ḳhār-zār hogā

sunā diyā gosh muntazir ko hijāz kī ḳhāmushī ne āḳhir

jo ahd sahrā.iyoñ se bāñdhā gayā thā par ustuvār hogā

nikal ke sahrā se jis ne ruumā kī saltanat ko ulaT diyā thā

sunā hai ye qudsiyoñ se maiñ ne vo sher phir hoshiyār hogā

kiyā mirā tazkira jo saaqī ne bāda-ḳhvāroñ kī anjuman meñ

to piir mai-ḳhāna sun ke kahne lagā ki muñh phaT hai ḳhaar hogā

dayār maġhrib ke rahne vaalo ḳhudā kī bastī dukāñ nahīñ hai

kharā hai jise tum samajh rahe ho vo ab zar kam-ayār hogā

tumhārī tahzīb apne ḳhanjar se aap hī ḳhud-kushī karegī

jo shāḳh-e-nāzuk pe āshiyāna banegā nā-pā.edār hogā

safīna-e-barg-e-gul banā legā qāfila mor-e-nā-tavāñ kā

hazār maujoñ kī ho kashākash magar ye dariyā se paar hogā

chaman meñ laala dikhātā phirtā hai daaġh apnā kalī kalī ko

ye jāntā hai ki is dikhāve se dil jaloñ meñ shumār hogā

jo ek thā ai nigāh tū ne hazār kar ke hameñ dikhāyā

yahī agar kaifiyat hai terī to phir kise e'tibār hogā

kahā jo qamrī se maiñ ne ik din yahāñ ke āzād pāgal haiñ

to ġhunche kahne lage hamāre chaman kā ye rāzdār hogā

ḳhudā ke āshiq to haiñ hazāroñ banoñ meñ phirte haiñ maare maare

maiñ us kā banda banūñgā jis ko ḳhudā ke bandoñ se pyaar hogā

ye rasm barham fanā hai ai dil gunāh hai jumbish nazar bhī

rahegī kyā aabrū hamārī jo tū yahāñ be-qarār hogā

maiñ zulmat-e-shab meñ le ke niklūñgā apne darmāñda kārvāñ ko

shah nishāñ hogī aah merī nafas mirā sho.ala baar hogā

nahīñ hai ġhair az numūd kuchh bhī jo mudda.ā terī zindagī kā

tū ik nafas meñ jahāñ se miTnā tujhe misāl sharār hogā

na pūchh iqbāl kā Thikāna abhī vahī kaifiyat hai us kī

kahīñ sar-e-rāh-guzār baiThā sitam-kash intizār hogā
zamana aaya hai be hijabi ka naam deedar-e-yaar hota
#UrduShayari
#IslamicShayari
#Islamicpoetry
#Islamicshayari
#AllamaIqbal