Скачать или смотреть 4.5 பக்குவங்கள் - Part 5

ஒரு மனிதன் இவ்வையத்துள் வாழ்வாங்கு வாழவும், உடலில் உறையும் இறைவனின் பாகமான ஆத்மாவை உணர்ந்து, அதை வளர்த்து, பரிசுத்தப்படுத்தி மேலுலகில் இறைவனுக்கு ஒரு கருவியாக மாறி இறைவனோடு இணைந்து செயல்படவும் மூன்று முக்கிய பக்குவங்களைப் பெற்றாக வேண்டும் என்றுறைக்கிறது சித்தர்கள் உருவாக்கிய சித்திமார்க்கம். அவை
1. உடல் பக்குவம்
2. மனப்பக்குவம்
3. ஆத்ம பக்குவம் என்பனவாகும்.
ஸர்வஸ்ரீ கோன்குருநாதர் மெஞ்ஞான சபை அறக்கட்டளையில் ஸர்வஸ்ரீ கோன்குருநாதர் அவர்கள் “ஆத்மயோக” உபதேசத்தின் போது இப்பக்குவங்கள் என்றால் என்ன? இவைகளைப் பெற என்ன செய்ய வேண்டும்? என்பதனையும், இவைகளைப் பெறுவதால் உடல்,மன மற்றும் ஆத்ம ஆரோக்கியம் ஏற்பட்டு ஆரோக்கியம் பெருகி ஆயுள் நீட்டிப்பதோடல்லாமல் ஆத்மீகத்தில் மென்மேலும் வளர்ந்து, ஆத்மாவிலுறையும் சக்தியை சித்துக்களாக வெளிப்படுத்தி, இறைவனுக்கும் மனிதனுக்கும் இருக்கும் இடைவெளியை குறைத்து, இறைவனையடையும் வழிமுறையை தீர்க்கமாகவும், ஐயம் திரிபு இன்றியும் விளக்கமாகவும் எளிமையாக மாற்றி உபதேசித்து வருகின்றனர். இவ்வுபதேசங்கள் சித்தர்களின் சித்தி வழி அல்லது சித்திமார்க்கத்தைத் தழுவியது என்பது இதன் தனிப்பெரும் சிறப்பு ஆகும்.
இவ்வரிய உபதேசங்கள் இக உலக வாழ்க்கைக்கும், மனித வாழ்க்கையின் இன்னொரு பகுதியான புற உலக வாழ்க்கைக்கும், பிறப்பறுக்கவும் மிகவும் இன்றியமையாதது என்பது இவ்வுபதேசங்களை ஆழ்ந்துணர்ந்த சீடர்களின் கூற்று. ஆன்மீகத்தில் வேகமாக வளர இசைவுள்ளவர்கள், ஆன்மீக அன்பர்கள் இவ்வுபதேசங்களை செவிமடுத்து, ஸர்வஸ்ரீ கோன்குருநாதர் அவர்களின் திருவருளைப் பெற்று ஆன்மீகத்தில் மென்மேலும் வளர எல்லாம் வல்ல சர்வேஸ்வரனின் திருவடிகளை வணங்கி வாழ்த்துகிறோம்.

Siddhar
Siddhi
Siddhimargam
Athmayogam
Meiguru
Khonguru