Скачать или смотреть பிரதமர் மோடியின் 75-வது பிறந்தநாள் முன்னிட்டு நகர பாஜக சார்பில் உதகையில் இலவச மருத்துவ முகாம்

பிரதமர் மோடியின் 75-வது பிறந்தநாள் முன்னிட்டு நகர பாஜக சார்பில் உதகையில் இலவச மருத்துவ முகாம்

பாரத பிரதமரின் மருத்துவக் காப்பீட்டு திட்டம் குறித்து விழிப்புணர்வு

பாரதப் பிரதமர் நரேந்திர மோடி அவர்களின் 75-ஆவது பிறந்த நாளை முன்னிட்டு, உதகை நகராட்சிக்குட்பட்ட 2-வது வார்டு பகுதியில் நகர பாஜக சாரபில் இன்று 6-வது கட்டமாக இலவச மருத்துவ முகாம் மற்றும் பாரத பிரதமரின் மருத்துவக் காப்பீட்டு திட்டம் குறித்த விழிப்புணர்வு நிகழ்ச்சி நடைபெற்றது.

பாரதப் பிரதமர் நரேந்திர மோடி அவர்கள் இந்திய மக்களின் நலனை கருத்தில் கொண்டு பல்வேறு மக்கள் நலத் திட்டங்களை சிறப்பாக செயல்படுத்தி வருகிறார்.

குறிப்பாக, ஏழை எளிய மக்களின் மருத்துவச் செலவுகளை குறைக்கும் நோக்கில் பாரத பிரதமரின் மருத்துவக் காப்பீட்டு திட்டம் (₹5 லட்சம் வரை மருத்துவ பாதுகாப்பு) நாடு முழுவதும் அமல்படுத்தப்பட்டு வருகிறது.
இத்திட்டம் குறித்து நீலகிரி மாவட்டத்தில் பொதுமக்களிடையே போதிய விழிப்புணர்வு இல்லாத நிலை காணப்படுவதை தொடர்ந்து, அதனை சரிசெய்யும் வகையில் பாஜக சார்பில் தொடர்ச்சியாக விழிப்புணர்வு முகாம்கள் நடத்தப்பட்டு வருகின்றன.

நீலகிரி மாவட்ட பாஜக தலைவர் தர்மன் அவர்களின் அறிவுறுத்தலின் பேரில், உதகை நகர பாஜக சார்பில், நகராட்சிக்குட்பட்ட 36 வார்டுகளிலும் பொதுமக்கள் பயன்பெறும் வகையில் மருத்துவ முகாம்கள் நடத்தப்பட்டு வருகிறது.

இம்முகாம்கள் உதகை நகர பாஜக தலைவர் ரித்து கார்த்திக் தலைமை ஏற்பாட்டில் நடைபெற்று வருகின்றன.
அதன் தொடர்ச்சியாக, இன்று 6-வது கட்டமாக 2-வது வார்டு எச்பிஎப் பகுதியில் இலவச மருத்துவ முகாம் மற்றும் பாரத பிரதமரின் ₹5 லட்சம் மதிப்புள்ள மருத்துவக் காப்பீட்டு திட்டம் குறித்த விழிப்புணர்வு நிகழ்ச்சி நடைபெற்றது.

இந்த முகாமில் பொதுமக்களுக்கு இரத்த அழுத்தம், சர்க்கரை நோய் உள்ளிட்ட பல்வேறு நோய்களுக்கு இலவச மருத்துவ பரிசோதனைகள் மேற்கொள்ளப்பட்டன. நூற்றுக்கும் மேற்பட்ட பொதுமக்கள் கலந்து கொண்டு மருத்துவ பரிசோதனைகளை செய்து பயன் பெற்றனர்.

மேலும், உடல்நிலை மிகவும் பாதிக்கப்பட்டிருந்த நபர்களை மருத்துவர்கள் பரிசோதனை செய்து, மேல்சிகிச்சைக்காக உதகை அரசு மருத்துவக் கல்லூரி மருத்துவமனைக்கு பரிந்துரை செய்தனர்.

இந்நிகழ்ச்சியில் கிளைத் தலைவர்கள்விளையாட்டு அணி மாநில நிர்வாகி பிரேம் யோகன் , சிவராஜ், மூர்த்தி, சக்தி கேந்திர பொறுப்பாளர்கள் நவீன், பிரவீன், நகர துணைத் தலைவர் சிவசங்கர், பிரவீன், ராகேஷ், நகர பொதுச் செயலாளர் அரிகிருஷ்ணன், உள்ளிட்ட பாஜக நிர்வாகிகள் மற்றும் தொண்டர்கள் கலந்து கொண்டனர்.