Скачать или смотреть कैपतनृत्य / गजीनृत्य आरेवाडी बिरोबा यात्रा | kaipatnrutya /gajinrutya Arewadi biroba yatra 2022

कैपतनृत्य / गजीनृत्य आरेवाडी बिरोबा यात्रा एक आगळेवेगळे धनगरी नृत्य | kaipatnrutya /gajinrutya Arewadi biroba yatra 2022
***************************************
#गजीढोल
#कैपतनृत्य
#आरेवाडी
#बिरोबा
#रविराजढगे
****************************************
🛕श्री क्षेत्र बिरोबा देवालय आरेवाडी , ता. कवठेमहांकाळ , जिल्हा सांगली, महाराष्ट्र

आज चैत्र शुद्ध षष्टी म्हणजे गुडीपाडव्या पासूनचा सहावा दिवस. यात्रा कमिटीने नियोजन केल्यानंतरचा, आजचा हा प्रमुख दोन दिवसांमधील एक मुख्य दिवस. आज सर्व ठिकाणाहून लोक बिरोबा बनात दाखल होतात.

आज बिरोबा देवाला गोडा नैवेद्य असतो यात सर्व स्तरातील भक्तगण मोठया भक्तिभावाने बिरोबा बनात दाखल होतात. यात विशेषतः महाराष्ट्र, कर्नाटक, आंध्र प्रदेश, गोवा अशा विविध राज्यातील भाविक मिळेल त्या वाहनाने येतात. काही भाविक मोठ्या भक्तीभावाने/नवसाने बैलगाडीने प्रवास करत येतात. बैलाला झुला, चाळ, शेंब्या असा सर्व लवाजमा करतात. लांबचे भाविक दुचाकी, चारचाकीचा वापर करुन येतात.

आज बिरोबा देवास गोडा नैवेद्य म्हणजे पुरणपोळीचा नैवेद्य केला जातो व तो नैवेद्य ढोल कैताळ यांच्या निनादात, चांगभलंच्या गजरात मुख्य मंदिरात नेतात. मंदिरातील व परिसरातील वातावरण ढोलाच्या आवाजाने दुमदुमून गेलेले असते.
आजच्या दिवशी दुपारनंतर मोठी गर्दी होत असते. संपूर्ण बिरोबा बन भक्तगणांच्या गर्दीने फुलून गेल्याचे दिसून येते. आज तसा गर्दीचा मोठा उच्चक असणारा दिवस. प्रत्येक व्यक्ती हा विविध पोषाखाने नटलेला असतो, कोणी फेटा , कोणी धोतर, कोणी टोपी, असे विविध वस्त्र परिधान केलेले भाविक असतात. दिवस मावळतीकडे झुकला की ओवीकर मंडळी ओव्या गायला सुरुवात करतात. ढोलाच्या तालावर सुंबरानं मांडलं चा आवाज संपूर्ण बनात घुमत असतो. दुसऱ्या दिवशी सकाळी खारा नैवेद्य असल्याने त्यांची तयारी भाविक करत असतात. त्यासाठी देवस्थान नियमानुसार बकरी पास काढणे, पावती काढण्यासाठी स्टॉलवर जाऊन रांगेतून पावती घेणे, पाण्याची व्यवस्था करणे, पाणी भरून आपल्या निश्चित ठिकाणी ठेवणे.

या दिवशी संपूर्ण बनातील माहोल हा अगदी भक्तिमय झालेला असतो. बिरोबा बनाचा परिसर हा प्रशस्त असल्याने संपूर्ण परिसर हा रंगीबेरंगी असतो. ऐन चैत्र महिन्यात ही यात्रा असल्याने उन्हाची तीव्रता वाढत चाललेली असते. यात अनेक शीतपेये मोठया प्रमाणात विक्रीसाठी असतात. संपूर्ण परिसरात गर्दी असल्याने यात्रेला आलेली लहान मुलं त्या परिसरात हरविण्याचे प्रकार ही खूप घडत असतात. या सर्वांचे गांभीर्य लक्षात घेऊन देवस्थान कमिटीमार्फत ध्वनी क्षेपका (लाऊडस्पिकर) द्वारे विविध सूचना केल्या जातात.

त्यानंतर या दिवशी रात्री नियमित पालखी सोहळा पार पडत असतो. रात्री मुख्य मंदिरातून पालखी सोहळा भंडारा उधळण करत सर्व ठिकाणी जाऊन नंतर मुख्य मंदिरात प्रवेश करते. रात्रभर ओव्या ही असतात. नंतर सातासमुद्रापलीकडे गेलेले कैपत /गजनृत्य होते.

अशा प्रकारे आजच्या दिवसाला अनन्य असे महत्व आहे. बिरोबा यात्रेतील हा एक मुख्य दिवस असतो. अनेक वर्तमानपत्रात ही बिरोबा यात्रेची बातमी प्रसिद्ध झाल्याचे दिसून येते. सर्व प्रकारचे दुःख विसरून लोक या भक्तिमय वातावरणात तल्लीन होत असतात.

अशा प्रकारे यात्रेतील मुख्य दोन दिवसातील हाएक दिवस पार पडतो.
**************************************
नमस्कार🙏
व्हिडिओ आवडल्यास like करा . आपल्या मित्रांना share करा .व असेच नवनवीन व्हिडिओ पाहण्यासाठी आपल्या चॅनेलला subscribe नक्की करा🙏
**********************************
social media handle 📌
  / raviraj.dhage1     / dhageraviraj_official