دمعة جراح | جنين السماء | السيد هاني الوداعي

تسقيط الزهراء عليها السلام لعام 1439 هـ
مأتم الإمام علي ع - أبو قوه

إصدار جنين السماء
الفقره الثالثه | دمعة جراح

الرادود : السيد هاني الوداعي
الشاعر : أ . رضا درويش

الهندسه الصوتيه : م . يا جرح الحسين

مونتاج:
الوداعي ميديا

----------------
كلمات القصيدة :
تبّت يدا مَن أسقطَ الجنينْ بِعَصْرِ بنتِ خيرِ المُرسلين
هذا جنينُ السماءْ مخضّبٌ بالدماء
------------------------- ◊ ◊ ◊-------------------------

باگي دمعة ما بچتـــــها زينب الحوره من عاشر
باگي دمعة تشبه الوردة اللي مجروحه و تكابر
من رجع طيبة الظعن هـــلت العين
اشتاگت أمها فاطــمة وفاطمة وين

تخيل اشلون اوگعـت تحــضن التربة
يمه جيت امن السفر و جيتي صعبة
اتأمــــلي لا تـــسألي واستـــقبلي هالنوح
يمه راح الغالي راح بين الرماح مـذبوح
---

بكل مصيبة ألگى مكتوب اعلى دمعاتي يا زهره
وآنـه أدري وراثـــه من أمي اللطمة والعــصره
أشــــبه أمــي فــاطــمــة بكل بلية
و زدت عليها من صرت منـسبية

زدت عليها وادخـــلت مـجلس الكوفة
زدت عليها من رحت وايدي مچتوفة
أنشـــتم عــندچ علم لو ما يــهــم حالي
أنضرب طول الدرب وسط الغرب تـالي
◊ ◊ ◊

يمه ضمــيني يمــــــه لميني بعثر احساسي التعب شوفي شجرى بحالي
يمه شتموني يمه ضربوني بالسفر شفت العجب شــفت العــدو اگبالي
صعب لو تنكسر يا يمه ضلعيني ولاصعب ينكسر گلبي گبل عيني
ييمه فاطمه وين الســـبي اويني أثــر جرح الحبل ما زال بيديني

دار بيها البتوله و خيمة فيها العقيلة نختلف لـكن الجرح واحد
نار دارج شفتها في خيامي اعرفــتها اسأليها والـ ـلهــب شاهد
آنه زدت اعليج بالهم يمه واحترگت عباتي
آنه شفت الخيل تهجم يمه وانسحگت بناتي
---

لو تشوفيني ما تعـرفيــني غــيـرتــني كربله صــار الورد ذابل
كلشي اتغير والوجه أصفر يمه مو زينب أنه من بعد أبو فاضل
في گبرچ فاطـــــمة تتـكلم أحزاني كـلام بگلبي ما گـلته لأحد ثاني
محد يفهم جروح البت سوى أمها ترى ضرب الشمر يا يمه آذاني

وحق ضلوعچ يزهره كسري ما حد يجبره و مسمارچ جرح صدري
عيني شافت مصايب روحي عافت حبايب مثل ضلعچ نزف صبري
طفلتچ يا يمه رجعت والحزن مثلچ عصرها
و مو ولد واحد تعفر كلمن يحــــبها هجرها
◊ ◊ ◊



أيامـي كــسيـره من ضلعچ تكـــسر
مســبيه أسيـره وش باگي لي أكثر

يلي مصابچ وسط عيني
گعـــدي يمه وصبــريني

ادري يمه گـــلــبچ كـــل تحنانه ليه
من يفهمني غيرچ من يمسح عليه
---

منهو الجرحه أصعب ضلعچ لو حنيني
شوفي الساعة زينب ما ظــن تعرفيني

في كل حســــره شفتچ والله
وشفت المحسن في عبدالله

شفتچ تحـــضريني شفتچ تنظريني
كل هذي المصايب ما بينچ و بيني

------------------------- ◊ ◊ ◊-------------------------
تبّت يدا مَن أسقطَ الجنينْ بِعَصْرِ بنتِ خيرِ المُرسلين
هذا جنينُ السماءْ مخضّبٌ بالدماء
الشاعر : أ. رضا درويش