Скачать или смотреть സൂക്ഷ്മസംരംഭങ്ങള്‍ |കുടുംബശ്രീ | Micro Enterprises | Kudumbashree |

ദാരിദ്ര്യ നിര്‍മാര്‍ജനത്തിനുള്ള ഏറ്റവും മികച്ച ഉപാധി സാമ്പത്തിക സ്വാശ്രയത്വം കൈവരിക്കാന്‍ സ്ത്രീകളെ പ്രാപ്തരാക്കുക എന്നതാണെന്ന് തിരിച്ചറിഞ്ഞു കൊണ്ട് നിര്‍ദ്ധന കുടുംബങ്ങളിലേക്ക് വരുമാനമെത്തിക്കാനും അതിലൂടെ ദാരിദ്ര്യത്തെ ഇല്ലായ്മ ചെയ്യുന്നതിനുമുള്ള പദ്ധതികളാണ് കുടുംബശ്രീ ആസൂത്രണം ചെയ്തു നടപ്പാക്കുന്നത്. ഇതില്‍ ഏറ്റവും പ്രധാനമാണ് സൂക്ഷ്മസംരംഭങ്ങള്‍. സ്ത്രീകള്‍ക്ക് മെച്ചപ്പെട്ട വരുമാനം നേടാന്‍ കഴിയുന്ന മുഖ്യ ജീവനോപാധിയെന്ന നിലയ്ക്കാണ് ഈ പദ്ധതി നടപ്പാക്കുന്നത്.

അയല്‍ക്കൂട്ട വനിതകളുടെയും കുടുംബാംഗങ്ങളുടെയും സാമ്പത്തിക ശാക്തീകരണത്തിനായി സൂക്ഷ്മസംരംഭങ്ങളുടെ ആവശ്യകത അപഗ്രഥിച്ച് പ്രത്യേകമായ പ്രവര്‍ത്തന തന്ത്രങ്ങളും കുടുംബശ്രീ വികസിപ്പിച്ചിട്ടുണ്ട്. സംരംഭകരാകാന്‍ ആഗ്രഹിക്കുന്നവര്‍ക്ക് പരിശീലനം, ഭാഗിക സാമ്പത്തിക സഹായം, മറ്റ് പിന്തുണാ സംവിധാനങ്ങള്‍ എന്നിവ ഉള്‍പ്പെടെയുള്ള പിന്തുണകള്‍ ആവശ്യാനുസരണം ലഭ്യമാക്കുന്നു. നിലവിലുള്ളതും പുതുതായി ആരംഭിക്കുന്നതുമായ സംരംഭങ്ങള്‍ക്ക് ഇത്തരം പിന്തുണകള്‍ ലഭിക്കും. അയല്‍ക്കൂട്ട അംഗങ്ങളുടെ കഴിവ്, അഭിരുചി, താല്‍പ്പര്യം തുടങ്ങിയവയെ അടിസ്ഥാനമാക്കി അവര്‍ക്ക് സൂക്ഷ്മസംരംഭങ്ങള്‍ ആരംഭിക്കാനുള്ള വിവിധ പരിശീലനങ്ങളും സാമ്പത്തിക സഹായവും നല്‍കുന്നു. പ്രധാനമായും ഉല്‍പാദന മേഖലയിലും സേവന മേഖലയിലുമാണ് കുടുംബശ്രീ സംരംഭങ്ങള്‍ ഉളളത്. സൂക്ഷ്മസംരംഭങ്ങളിലൂടെ പ്രാദേശിക സാമ്പത്തിക വികസനമാണ് കുടുംബശ്രീ ലക്ഷ്യമിടുന്നത്.