Скачать или смотреть အချဉ်ရည်ရွှဲရွှဲ ချဉ်ချဉ်စပ်စပ် ကြာဆံသုပ် Sour and Spicy Vermicelli Salad

အချဉ်ရည်ရွှဲရွှဲ ချဉ်ချဉ်စပ်စပ် ကြာဆံသုပ်
Sour and Spicy Vermicelli Salad

ဒီနေ့တော့ ကျောင်းတုန်းက ကန်တင်းမှာစားခဲ့ရတဲ့ အချဉ်ရည်ရွှဲရွှဲနဲ့ သုပ်တဲ့ကြာဆံသုပ်အရသာကို သတိရမိလို့ ကြာဆံသုပ်လေး သုပ်စားဖြစ်ပါတယ်။

အဖြူ ၊ အစိမ်းဝတ် ကျောင်းတက်ရတုန်းကတော့ မနက်ဆို ကန်တင်းမှာ ဘာစားမလဲဆိုတာ မနက်တိုင်း ရွေးရတဲ့ ခေါင်းစဉ် တစ်ခုပါပဲ။

ကန်တင်းမှာ လူကျနေတဲ့ အချိန်၊မုန့်စားဆင်းချိန်တွေမှာ အန်တီဝဝကြီးရဲ့ ဇလုံအကြီးထဲ ငရုတ်အချဉ်ရည်ရွှဲရွှဲထည့်နယ်ပြီးမှ ကြွေပန်းကန်တွေထဲ ပြန်ခွဲထည့်ပေးတဲ့ ကြာဆံသုပ်လေးကို သတိရမိလို့ အချဉ်ရည် သေချာဖျော်ပြီး ကြာဆံသုပ်လေး သုပ်စားဖြစ််တယ်။

ကျောင်းကန်တင်းက ကြာဆံသုပ်ရဲ့ အဓိက အချက်ကတော့ အချဉ်ရည် ရွှဲရွှဲနဲ့ ငရုတ်သီး အကျက်မှုန့် မွှေးမွှးရောနယ်လို့ ထွက်လာတဲ့ အနံ့ပါပဲ။

အချဉ်ရည်ကို စဖျော်ပါမယ်။

မန်ကျည်းရည်ပျစ်ပျစ်ထဲကို ငရုတ်ဆီ၊ ငံပြာရည်၊ထန်းညက်ရည်ထည့်ဖျော်ရပါတယ်။ မန်ကျည်းရည်ရဲ့ အချဉ်အရသာကဲရပါတယ်။

ကန်တင်းမှာ‌တော့ ကြာဆံထဲကို ဂေါ်ဖီလှီးထည့်ပြီး ပုစွန်ခြောက်မပါဘဲ အချိုမှုန့်နဲ့ သုပ်တာပေါ့နော်။

ချီလီကတော့ ကြာဆံသုပ်ထဲ သခွားသီးထည့်သုပ်တာကြိုက်လို့ သခွားသီးထည့်သုပ်ထားတာပါ။

အိမ်စားမလို့ ပုစွန်ခြောက်မှုန့် ကိုလည်း ထည့်ထားတော့ ပို‌အရသာရှိတာပေါ့နော်။

ပဲကျက်မှုန့်ရယ် ပုစွန်ခြောက်မှုန့်ရယ် အရသာစပ်ထားတဲ့ အချဉ်ရည်ရယ် ဆီချက်ရယ် သခွားသီးရယ် ကြာဆံရယ် ရောနယ်ရုံပါပဲ။

ငရုတ်သီး အကျက်မှုန့် မွှေးမွှေးလေးရယ်၊သခွားသီးရဲ့ အချဉ်ရည်နဲ့ ရောနယ်လိုက်ရင် ထွက်လာတဲ့ အနံ့ရယ်နဲ့ တင် ဗိုက်ကဆာနေပြီ။

ချီလီကတော့ ကြာဆံသုပ်ဆို သခွားသီးလေးပါမှ ကြိုက်တယ်။

ကဲ .. ကလေးဘဝ အလွမ်းပြေ .. ကျောင်းကန်တင်းက ကြာဆံသုပ်လေး ရပါပြီ ။

#vermicelli #vermicellisalad #ကြာဆံသုပ် #ကျောင်းကန်တင်း #fyp #ချဥ်ငံစပ် #foodblog​ #cookingblog​ #fyp​ #easyrecipe​ #fypシ゚​ #FoodLover​ #spicy