Скачать или смотреть Marta Kos anulon vizitën në Kosovë, zhvillimet shkak për vendimin e Komisioneres së Zgjerimit të BE

Zhvillimet e fundit politike në Kosovë kanë bërë që Komisionerja për Zgjerimin e Bashkimit Evropian Marta Kos të anulojë vizitën e planifikuar për këtë javë në Prishtinë. Shtyrja e vizitës u konfirmua nga zyrtarë të Komisionit Europian duke theksuar se komisionerja Kos informoi edhe kryeministrin Kurti për vendimin e saj, ndërsa theksoi se udhëtimi në Prishtinë do të zhvillohet në momentin e parë të mundshëm. Vizita e zyrtares evropiane u bë e ditur javën e kaluar dhe jozyrtarisht thuhej se ajo do të mbërrinte në Prishtinë më 12 mars. Kjo do të ishte vizita e saj e parë në cilësinë e Komisioneres së Zgjerimit, pasi Kosova është vendi i vetëm i Ballkanit Perëndimor që Marta Kos ende nuk e ka vizituar, që kur ajo mori postin 14 muaj më parë. Gjatë vitit të kaluar shkak për mungesën e vizitës në Kosovës u përmend kriza institucionale. Vendimi i Komisioneres së Zgjerimit vjen një ditë pas Gjykata Kushtetuese e Kosovës vendosi masë të përkohshme ndaj dekretit të presidentes Vjosa Osmani për të shpërndarë Kuvendin, vendim të cilin e publikoi më 6 mars, pasi organi legjislativ nuk arriti të zgjedhë presidentin e ri brenda afatit kushtetues, datën 5 mars. Partia në pushtet, Lëvizja Vetëvendosje e ka çuar dekretin e Osmanit në Kushtetuese, ndërsa masa e shpallur të hënën nga ajo gjykatë vlen deri më 31 mars dhe deri atëherë, as Osmani nuk mund të shpallë datën e zgjedhjeve dhe as Kuvendi nuk mund të thërrasë seancën për të vazhduar punën.

Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#lajme #RTSH #news