Provas di bu amor By Rui Pina

Provas di bu amor
By Rui Pina

Kerida, (keridu), Si bu fla ma bu ta ama-m, N kre obi’l mas txeu,
Pa bu faze-m kardita-u, Bu ten ki fla-m koizas ki ‘N kre obi...
ma bu kren txeu, ma mi e bu vida, Ma di verdadi bu kre sta ku mi...
Bu ten ki fla-m koizas bonitas, Akarditaveis y pusivel, Koizas ki un omi (mudjer) ta gosta di obi

‘N kre obi palabras bunitas di un mudjer (omi)
Mesmu asin di es manera, ‘N ka sabe si N ta fika, Bu ten ki faze-m tudu, da-m tudu, Kel ki un omi (mudjer) ta marese...
Un beijinhu ku karinhu, Un amorzinhu ku ternura, Prova-m bu amor, faze-m sinti amadu...

Y ka bu mostra-m ninhum disfarsi,
Pamo el ta ser un bon motivu
Di ‘N bai enbora, Y ningen, ningen ka ta konvense-m pa-m fika...

N kre obi, N kre obi, Ma bu kre'm txeu, ma bu kre'm txeu, Ma mi e bu vida, luz di bu vida...

Y si di faktu bu ta ama-m,
Bu ta tenta kunpri nha dizejus,
Bu ta flam palavras bunitas,
Koizas ki N gosta di obi,
Da-m tudu ki N merese,
Un beijinhu ku karinhu,
Un amorzinhu ku ternura,
Y faze-m sinti amadu.

1990, 1997, 2004, 2017, Rui Pina Music. All rights reserved.