Скачать или смотреть ოფიციალური მოსკოვის პოზიცია - რუსეთი ნატო-საქართველოს წვრთნებში სერიოზულ საფრთხეს ხედავს

რუსეთი ნატო-საქართველოს წვრთნებში სერიოზულ საფრთხეს ხედავს. ასეთი ოფიციალური მოსკოვის პოზიცია.

განცხადებაში, რომელსაც საგარეო უწყება ავრცელებს, ვკითხულობთ:

"ყურადღებას ვაქცევთ ნატო-საქართველოს მორიგ სამხედრო წვრთნებს, რომელშიც მონაწილეობს 250-ზე მეტი სამხედრო 13 ქვეყნიდან. წელს ეს უკვე მესამე მსგავსი სამხედრო წვრთნაა საქართველოს ტერიტორიაზე.

ჩვენ სერიოზულ საფრთხეს ვხედავთ რეგიონში სტაბილურობისა და მშვიდობისთვის. თავიანთ შეშფოთებაზე არაერთხელ განუცხადებიათ საქართველოს სხვა მეზობლებს - აფხაზეთს და სამხრეთ ოსეთს.

ყველას გვახსოვს, დაპირებამ ნატო-ს წევრობაზე ბუქარესტის სამიტზე, თუ როგორ უბიძგა საქართველოს დანაშაულებრივი თავდასხმისკენ რუსეთის სამშვიდობო ძალებზე და ცხინვალის მშვიდობიან მოსახლეობაზე 2008 წლის აგვისტოში.

ნატო-ში არ მალავენ, რომ ამჟამინდელი სამხედრო პარტნიორობა თბილისთან განიხილება როგორც რუსეთის „შეკავების“ პოლიტიკის ნაწილი.

ის როლი, რომელსაც საქართველო თამაშობს ამ კონტექსტში, ართულებს რუსეთ-საქართველოს ურთიერთობების გაუმჯობესების პროცესს“, - ნათქვამია რუსეთის საგარეო საქმეთა სამინისტროს განცხადებაში.

უწყების განცხადებას ეხმაურება საქართველოს თავდაცვის სამინისტრო.